BILANG pasasalamat sa loyal Kapuso viewers, ihahandog ng GMA Network ang kanilang Christmas special na pinamagatang The Magic Of Christmas ngayong gabi pagkatapos ng Kapuso Mo, Jessica Soho sa SNBO. Itatampok sa special show ang limang Christmas values na Gratitude, Peace, Hope, Faith and Love.
Bubuksan ang programa nina Regine Velasquez, Christian Bautista at Julie Anne San Jose, kasama ang iba pang Kapuso singers sa isang lively Christmas medley.
Pangungunahan naman nina Michael V., Manilyn Reynes at Eugene Domingo ang mga programa ng GMA KiliTV kasama ang cast ng Bubble Gang, Pepito Manaloto at Tsuperhero sa isang masayang Christmas production number.
Pasasayahin din ng Kapuso favorites na sina Dennis Trillo, Carla Abellana, Rhian Ramos, Solenn Heussaff at Heart Evangelista ang mga manonood sa kanilang masayang Christmas Aguinaldo production number.
Carlos Yulo, wala pa raw naibibigay na tulong sa pamilya kahit palihim na abot?
May inihanda namang special performances ang lead stars naman ng GMA upcoming programs na My Love From The Star na sina Jennylyn Mercado at Gil Cuerva; Meant To Be na sina Barbie Forteza, Ken Chan, Jak Roberto, Ivan Dorschner at Addy Raj; ang co-stars ni Julie Anne sa Pinulot Ka Lang Sa Lupa na sina Benjamin Alves, Martin del Rosario at LJ Reyes; at sina Alden Richards at Maine Mendoza mula sa Destined To Be Yours para sa kanilang fans.
Huwag ding palampasin sina Lovi Poe, Tom Rodriguez at Max Collins ng Someone To Watch Over Me; Megan Young, Andrea Torres, at Ms. Jaclyn Jose ng Alyas Robin Hood; Gabby Concepcion, Ryza Cenon, Mike Tan at Sunshine Dizon ng Ika-6 Na Utos; Yasmien Kurdi, Katrina Halili, at Gabby Eigenmann ng Sa Piling ni Nanay; at ang cast ng Hahamakin Ang Lahat na pinangungunahan nina Snooky Serna at Thea Tolentino.
Sina Rocco Nacino, Ruru Madrid at Sef Cadayona at ang well-loved Kapuso love teams na sina Miguel Tanfelix-Bianca Umali, Kristoffer Martin-Joyce Ching, Jake Vargas-Inah de Belen at Derrick Monasterio-Bea Binene ay may espesyal na dance performances.
Sina Mikael Daez, Betong Sumaya, Mike “Pekto” Nacua at Paolo Contis kasama sina Sheena Halili at Kim Domingo ay magsasama-sama naman sa isang masayang musical skit.
Makikisaya rin ang apat na Sang’gre ng Encantadia na sina Glaiza de Castro, Gabbi Garcia, Sanya Lopez at Kylie Padilla para sa isang masayang performance.
Makikisali rin ang People vs The Stars host na si Iya Villania kasama ang talented child stars ng GMA at iba pang cast ng Encantadia.
Abangan din ang touching performance ng GMA Primetime King & Queen na sina Dingdong Dantes at Marian Rivera.
May mapapanood na inspiring at magical real-life stories sa kabuuan ng show na magpapakita ng kahalagahan ng pag-ibig, pasasalamat, pagtitiwala, pagkakaisa at pag-asa.
Makisaya sa The Magic of Christmas ngayong gabi.
