Matinding pinsala sa ulo at katawan ang naging sanhi ng pagkamatay ng isang rider matapos sumemplang at sumalpok sa isang puno sa Taguig City, kahapon ng madaling araw.
Patay na nang isugod sa Taguig-Pateros District Hospital si Joseph Carbona, 23, ng Purok 2, Lower Bañas, Lantawan, Basilan.
Sa ulat ng Taguig Traffic Department, dakong 2:10 ng madaling araw nangyari ang aksidente sa C-5 Service Road, Heritage Park southbound lane, Phase II, Barangay Pinagsama ng naturang lungsod.
Sakay ang biktima sa kanyang motorsiklo (XL-9051) nang mawalan ito ng preno pagsapit sa pakurbadang kalsada hanggang sa tuluyang bumangga sa malaking puno.
Dela Rosa at Marcoleta, binisita si OVP Chief of Staff Zuleika Lopez sa ospital
Sa lakas ng pagkakabangga, tumilapon si Carbona at bumagsak sa semento dahilan upang magtamo siya ng pinsala sa ulo at katawan. (Bella Gamotea)
