4 na jurisdiction challenge ni FPRRD, 'di nakaporma sa ICC Appeals Chamber!-Balita

4 na jurisdiction challenge ni FPRRD, 'di nakaporma sa ICC Appeals Chamber!

Ibinasura ng International Criminal Court (ICC) Appeals Chamber ang apela ni dating Pangulong Rodrigo Duterte kaugnay ng hurisdiksyon ng korte sa mga kasong isinampa laban sa kaniya.

Sa pagdinig nitong Miyerkules, Abril 22, 2026, ipinagtibay ng Appeals Chamber ang naunang desisyon na tumangging kilalanin ang pagtutol ni Duterte sa kapangyarihan ng ICC na dinggin ang mga kasong idinidiin laban sa kaniya.

Ayon sa pahayag ng hukuman, “The Appeals Chamber, by majority… has rejected all four grounds of appeal. Having rejected the entire appeal, the Appeals Chamber considers that the defense’s request for the immediate and unconditional release of Mr. Duterte is moot.”

Dagdag pa sa desisyong binasa ni Judge Luz del Carmen Ibañez Carranza, “In the present case, the Appeals Chamber, by majority, confirms the impugned decision.”

Hindi dumalo si Duterte sa naturang pagdinig matapos niyang hilingin na hindi na personal na humarap. Kinatawan siya ng kanyang mga abogado na sina Atty. Nicholas Kaufman at Atty. Dov Jacobs.

Nauna nang ibinasura ng ICC Pre-Trial Chamber I ang hamon ni Duterte sa hurisdiksyon ng korte, na nagsabing nagsimula ang paunang pagsusuri ng prosekusyon bago pa man opisyal na umatras ang Pilipinas sa Rome Statute noong 2019.

Matatandaang inaresto si Duterte noong Marso 2025 sa Ninoy Aquino International Airport (NAIA) Terminal 3 kaugnay ng mga alegasyong pagpatay at tangkang pagpatay sa ilalim ng kanyang kampanya kontra ilegal na droga.

Sa kasalukuyan, hinihintay na lamang ng ICC kung kukumpirmahin ang mga sakdal laban sa dating pangulo at itutuloy ang paglilitis, o kung ititigil ang proseso o mag-uutos ng karagdagang imbestigasyon.

Ayon sa opisyal na datos ng pamahalaan, mahigit 6,000 katao ang nasawi sa police operations mula 2016 hanggang 2021. Gayunman, iginiit ng ilang human rights groups na mas mataas umano ang aktuwal na bilang dahil sa mga hindi naitalang insidente.

KAUGNAY NA BALITA: TIMELINE: Unang anibersaryo mula sa pagtugis ng ICC kay FPRRD hanggang sa pagdinig ng confirmation of charges

Sey ng NBI: 'Fugitive Senator Dela Rosa will be arrested whether he likes it or not'

Inihayag ng National Bureau of Investigation (NBI) na aarestuhin nila si Senador Ronald 'Bato' Dela Rosa, kasunod ng go signal mula sa Department of Justice (DOJ) tungkol sa arrest warrant ng International Criminal Court (ICC) laban sa senador, Huwebes, Mayo 21. Matatandaang kinumpirma ni DOJ Spokesperson Atty. Polo Martinez na may hiling na ang ahensya para sa Red Notice sa Interpol...

'Sino ba 'to?' Sen. Robin, may makahulugang post tungkol sa 'Tarat'

Isang makahulugang post ang ibinahagi ni Senador Robin Padilla na tungkol sa isang ibon na 'Tarat.' 'May Isang Tarat na dati ay nahawla, Ayaw na pakawalan ng umangkin sa kanya pero dahil may mga nakiusap para mapalaya ang tarat na ito,muli siyang nakabalik sa kanyang pugad,' saad ni Padilla sa kaniyang Facebook post nitong Huwebes, Mayo 21. 'Kakaiba ang tarat na ito...

'We will comply!' SILG Remulla, kikilos na sa pag-aresto kay Sen. Bato

Iginiit ni Department of the Interior and Local Government (DILG) Sec. Jonvic Remulla na handang sumunod ang kanilang ahensya sa pagpapatupad ng warrant of arrest na inilabas ng International Criminal Court (ICC) laban kay Sen. Ronald “Bato” dela Rosa. “The DILG will adhere to its mandate. If the lawful authorities have given validity to the warrant then we will comply and enforce,” ayon...