Tumanggap ng 'lagay', 2 parak arestado

October 28, 2016

Inaresto at dinisarmahan ng kanilang mga kabaro ang dalawang pulis matapos umanong mahuli sa akto na tumatanggap ng “lagay” sa loob ng Caloocan Police Station, nitong Huwebes ng hapon.

Nahaharap sa mga kasong kriminal at administratibo sina PO2 Christian Geronimo at PO2 Kristoffer San Juan, kapwa nakadestino sa Station Anti-Illegal Drugs-Special Operation Task Group (SAID-SOTG) ng Caloocan Police Station.

Nanganganib ding masibak sa puwesto ang kanilang hepe na si Police Sr. Insp. Cecilio Tomas dahil sa command responsibility.

Nilapitan umano ni Laila Katamora, kinakasama ng nadakip na drug personality na si Linson Amogis, sina PO2 Geronimo at PO2 San Juan at tinanong ang mga ito kung anong paraan para makalabas ng kulungan ang kanyang kinakasama.

Sinabi umano ng dalawang pulis na magbigay lang ng P100,000 at makalalaya nang walang kaso si Amogis.

Nagtungo si Katamora sa Camp Crame at isinalaysay ang pangyayari.

Dakong 2:00 ng hapon, ikinasa ang entrapment operation sa loob ng SAID-SOTG at iniabot ni Katamora ang P100,000 sa dalawang pulis at nagulat na lang ang mga ito nang posasan sila ng kanilang mga kasamahan. (Orly L. Barcala)

Lacson, tila nagpatutsada sa ilang nag-file ng COC: 'The following are not disqualified...'

Usap-usapan ang tila pasaring na X post ng nag-aasam na makabalik sa senado na si dating senador at presidential candidate Panfilo 'Ping' Lacson patungkol sa ilang mga nag-file ng certificate of candidacy (COC) para sa 2025 midterm elections.Inisa-isa ni Lacson ang ilan sa mga hindi raw disqualified na makatakbo sa alinmang posisyon sa pamahalaan, batay na rin sa Saligang Batas ng...

Abalos, tiwala sa kakayahan ni bagong DILG Sec. Jonvic Remulla

Tiwala si dating DILG Secretary Benhur Abalos sa kakayahan ni bagong DILG Secretary Jonvic Remulla na kaya nitong magampanan ang tungkulin sa ahensya.Nitong Martes, Oktubre 8, pinangunahan ni Pangulong Bongbong Marcos, Jr. ang panunumpa ni Remulla bilang bagong kalihim ng Department of the Interior and Local Government (DILG).Papalitan ni Remulla si Abalos, na kakandidatong senador sa darating...

Willie, makikipag-away din daw sa senado: 'Para sa mahihirap!'

Tila handa rin umanong makisali ang ‘Wil To Win” host na si Wiliie Revillame sa gitna ng nangyayaring bangayan sa senado.Sa primetime newscast na “The Big Story” nitong Martes, Oktubre 8, sinabi ni Willie na naawa raw siya sa mga Pilipino nang makita ang tila walang katapusang away ng mga nasa senado at kongreso.“No’ng nakita ko ‘yong awayan nang awayan sa congress, awayan nang...