Dos, bubuo rin ba ng all-girl singing group?-Balita

MAGKAKAROON din kaya ng search for all-girl band?

May nagtanong kasi sa amin kung pagkatapos ng Pinoy Boy Band Superstar ay magbubukas din ang ABS-CBN ng “Pinoy Girl Band Superstar” dahil tila may nabanggit daw si Vice Ganda nu’ng pakantahin niya ang mama ni Tony Labrusca na, ‘kanta ka na mommy para sa Pinoy Girl Band Superstar.’

“Biro lang ba ‘yun ni Vice na totoo o wala lang siya masabi?” tanong pa sa amin.

Hmmm, oo nga, ‘no, Bossing DMB, puwede naman sigurong magkaroon ng all-girl band na tipong Spice Girls para hindi parating boy band lang ang binubuo lalo na’t marami rin namang talented girls na puwedeng buuin bilang isang banda.

Kung girls ang nagtitilian sa boys na sumasali sa PBBS, tiyak na may boys din na magagandahan sa girls na mag-o-audition lalo na kung talagang magaganda, sexy at may talent pa.

Ang ganda kayang panoorin ang mga babae na may hawak na musical instruments lalo’t ang gaganda at makikinis, agree ka, Bossing DMB? (Agree 100%, Pareng Reggee! --DMB)

Nakaka-uta na rin na puro solo artists lang ang napapanood sa mga show ng ABS-CBN at ‘yung ibang produkto ng reality show na hindi kaguwapuhan, katangkaran at kagandahan ay hindi na napapansin ngayon.

Mas hinahanap pa rin ng tao ang mga lumang singer tulad nina Vice Ganda, Erik Santos, K Brosas, Angeline Quinto, Regine Velasquez, Ogie Alcasid, Richard Poon, Sam Milby, Yeng Constantino, Hajji Alejandro, Rico Puno, Rey Valera, Bugoy Drillon (nakakalusot minsan), Jed Madela, Charice, Lani Misalucha, Vina Morales, Morisette Amon, Aiza Seguerra, Dessa, Michael Pangilinan (dahil sa YFSF), Laarni Lozada, Rachelle Ann Go, Toni Gonzaga, Martin Nievera at ang loveteams na KathNiel, ElNella, LizQuen, JaDine at humihirit na rin sina Kyla (nagbabalik), Jona, at siyempre ang nag-iisang Lea Salonga, Sharon Cuneta at Gary Valenciano.

Ibinase namin ang mga pangalang nabanggit sa mga nagtatanong sa amin na nagpapa-show sa ibang bansa at sa mga probinsya.

Paging ABS-CBN, may Pinoy Girl Band Superstar search din po ba? (Reggee Bonoan)

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...