Isinagawa ng International Elevator & Equipment Inc., bahagi ng Mitsubishi Electric Group of Companies, ang 7th IEE golf tournament kamakailan sa Tagaytay Midlands Golf & Country Club.
Tinanghal na overall low net winner si Richard Tan III ng Advanced Geotechnical Engineering Services, habang nakopo ni Sonny Vega ng A. Vega Architects & Associates, ang overall low gross diadem.
“The golf invitational tournament has been an anticipated event in the company for seven years, and it just gets better and better every year,” pahayag ni IEE President Ramoncito A. Ocampo.
ALAMIN: ‘Required’ ba na magbigay ng 13th Month Pay ang mga kompanya tuwing Holiday Season?
“Of course, we continuously hope that through these activities, we can promote camaraderie with our existing clients, dealers and partners,” aniya.
Ang golf tournament ang pinakahihintay na programa sa aktibidad na isinusulong ng kumpanya para sa mga kaibigan, kliyente, partner at stakeholders sa industriya ng design, sales, installation at maintenance ng elevator at escalator sa bansa.
Sa mahabang panahon, ang kumpanya ang nagsu-supply ng world-class at matitibay na elevator at escalator sa mga progresibong sinehan, pamilihin, opisina, condominium at malls sa bansa.
Bukod sa golf, isinasagawa rin ng IEE-Mitsubishi Electric ang sports na basketball para mapatibay ang samahan ng bawat isa.
