CONGRATULATIONS Alden Richards!
Nitong nakaraang Linggo sa Sunday Pinasaya ay pinagkalooban si Alden ng kanyang 8X Platinum Record Awards ng GMA Records at ng PARI para sa kanyang Wish I May Album.
Ang Platinum Record Award ay katumbas ng 15,000 units sold, kaya dahil walong beses nang platinum ang album ay nangangahulugan na 120,000 kopya ng Wish I May album na ang naibebenta ni Alden.
Asong malungkot din sa pagkamatay ng fur dad, dumurog sa puso ng netizens
Isinunod ito sa launching ni Alden ng Rescue Me, ang first single sa bago niyang album sa GMA Records uli na ang sabi niya after singing, ‘sana nanood siya....’ Sino pa ba kundi ang girlfriend niyang si Maine Mendoza.
Ang saya-saya ng aura ni Alden habang kumakanta, at hindi na siya umiyak nang yakapin niya ang kanyang bagong Platinum Record Award na muli niyang inialay sa kanyang yumaong ina, si Mommy Rio.
Comment ng netizens, masayang-masaya raw kasi at in love talaga si Alden kaya no more tears.
Pagkatapos magpasalamat, ipinaalaala ni Alden na sa October 10 ang formal release ng kanyang Say It Again album kaya puwede nang mag-place ng pre-order sa GMA Records. Special mention niya ang fans niya sa London, dahil pupunta siya roon for a GMA Pinoy TV show sa October 2, his first time to go to the United Kingdom.
Ipinaalaaala rin ni Alden na simula sa linggong ito, mapapanood na siya sa Encantadia.
Sabi nga, the long wait is finally over. Matagal na kasing hinihintay ng fans and televiewers ang pag-appear ni Alden sa epic-serye bilang si Lakan.
Ang daming nagtatanong kung sino ba si Lakan, pero maging si Direk Mark Reyes ay ayaw sabihin sa amin ang detalye sa karakter na gagampanan ni Alden. Ang sinabi lang niya, basta ibang Alden Richards ang mapapanood ngayon. Biro pa ni Direk Mark, may pasabog daw ang unang paglipad ni Lakan.
Pero tiniyak ni Direk Mark sa amin na walang katambal si Alden sa epic-serye. Alamin na lamang daw kung sino ang una niyang makikilala sa mga Sang’gre, si Hara Amihan (Kylie Padilla), si Pirena (Glaiza de Castro), Alena (Gabbi Garcia) o si Danaya (Sanya Lopez)? Malaking katanungan din sa Encantadiks kung magiging kakampi o kaaway ba ng mga Sang’gre si Lakan.
Last Friday, napanood na si Alden as Lakan sa mundo ng mga tao. Kaya inaabangan ngayong linggo ang kanyang tuluyang paglipad.
Napapanood ang Encantadia gabi-gabi pagkatapos ng 24 Oras. (NORA CALDERON)
