Patung-patong na kaso ang isinampa sa Sandiganbayan laban kay dating Misamis Occidental (MisOcc) Rep. Marina Clarete dahil sa umano’y pagkakadawit sa P65 milyong pork barrel fund scam noong 2007.

Si Clarete ay nahaharap na ngayon sa kasong 18 counts ng paglabag sa Section 3(e) ng Anti-Graft and Corrupt Practices Act (Republic Act No. 3019), 11 counts ng Malversation thru Falsification of Public Documents at 7 counts ng Malversation of Public Funds.

Kabilang din sa kinasuhan sina dating Department of Agriculture Secretary Arthur Yap, Alan Javellana, Rhodora Mendoza, Encarnita Christina Munsod, Marilou Antonio, Marilou Ferrer, Julie Villaralvo-Johnson, Romulo Relevo, Allen Calma, Victor Roman Cacal, Maria Ninez Guañizo, Flerida Alberto, Maria Paz Vega, Gondolina Amata, Emmanuel Alexis Sevidal, Ofelia Ordoñez, Sofia Cruz, Evelyn Sucgang, Gregoria Buenaventura, Rodrigo Doria, Godofredo Roque, Chita Jalandoni, Filipina Rodriguez, Ma. Neriza Gador, Antonio Ortiz, Dennis Cunanan, Maria Rosalinda Lacsamana, Francisco Figura, Consuelo Lilian Espiritu, Pio Ronquillo at Marivic Jover.

“In-depth investigation found that in 2007 to 2009, the Department of Budget and Management issued seven Special Allotment Release Orders totalling P65 million as part of the lawmaker’s PDAF. Clarete identified and endorsed the National Agri-Business Corporation (NABCOR), National Livelihood Development Corporation (NLDC) and Technology Resource Center (TRC) as implementing agencies, with Kabuhayan at Kalusugang Alay sa Masa Foundation, Inc. (KKAMFI), Kasangga sa Magandang Bukas Foundation, Inc. (KMBFI) and Aaron Foundation Philippines, Inc. (AFPI) as non-government organization (NGO) partners,” ayon sa kaso.

National
#WalangPasok: Class suspensions ngayong Biyernes, Sept. 20

#WalangPasok: Class suspensions ngayong Biyernes, Sept. 20

Idinahilan naman ni Clarete na ginamit nito ang pondo sa pamimigay ng livelihood technology kits at training, water pumps, hand tractors; calamansi, rambutan at mango seedlings.

Nabisto lamang ang “ghost” project nang magsagawa ng on-site validation ang Ombudsman kung saan itinanggi ng mga sinasabing benepisaryo na tumanggap sila ng anumang bagay. (Rommel P. Tabbad)