NEW YORK (AP) — Sa ikalawang sunod na taon sa US Open, nasilat si Serena Williams sa semifinals.
At a pagkakataong ito, ang salarin sa kanyang kabiguan ay ang 10th-seeded na si Karolina Pliskova – ang tinaguriang ‘Williams-killer’.
Hiniya ng Czech Republic star ang American sweet heart, 6-2, 7-6 (5), nitong Huwebes (Biyernes sa Manila) para makausad sa women’s single ng US Open tennis championship sa kauna-unahang pagkakataon.
Pinataob ni Pliskova ang nakatatandang kapatid ni Williams na si Venus sa fourth round.
19-anyos na Pinay tennis player, umariba sa Miami Open; pinataob world's no. 2
Bunsod nang kabiguan, naudlot ang pagtatangka ni Williams na makamit ang ikapitong kampeonato sa Flushing Meadows at ika-23 sa kabuuan ng career na kapwa nakatalang record sa Open-era.
Ngunit, ang masakit, nasibak din si Williams bilang No.1 sa WTA ranking nang magwagi ang datingNo. 2 na si Angelique Kerber kontra Caroline Wozniacki.
Ginapi ni Kerber si Wozniacki sa magaan na 6-4, 6-3 desisyon para maisaayos ang championship duel kay Pliskova.
"It's a great day," pahayag ni Kerber, target ang ikalawang Grand Slam title.
Nitong Enero, tinalo niya ni Williams sa Australian Open, bago sumegunda sa American star sa Wimbledon.
"To be No. 1 in the world — that sounds amazing," pahayag ni Kerber.
Target naman ng 24-anyos na si Pliskova ang kauna-unahang titulo. Sa nakalipas na 17 sabak sa major, bigo siyang makalagpas sa third round.
