Nagpatupad ang Philippine Postal Corporation (PHLPost) ng bagong singil para sa kanilang mail services.
Batay sa bagong registered postage rates na naging epektibo simula Setyembre 1, 2016, ang Intra-Province o pagpapadala ng liham mula sa isang probinsya/lungsod papunta sa parehong probinsya/lungsod ay nagkakahalaga ng P35 kada liham para sa unang 01-50 grams.
Ang Inter-Land, pagpapadala ng liham mula sa isang probinsya papunta sa isa pang probinsya, gamit ang transportasyong panlupa,ay P41 para sa unang 01-50 grams, habang ang Inter-Air, pagpapadala ng liham mula sa isang probinsya papunta sa isa pang probinsya gamit ang transportasyong panghimpapawid, ay P46 para sa unang 01-50 grams ng liham.
Itinakda rin ng PHLPost ang bagong presyo para sa International Registered Mails.
'Dalawang Tanging Ina?' Ai Ai, nakitambay sa live selling ni Angelica
Kabilang dito ang para sa Zone 1, (mga bansa sa Asya) na umabot na sa P115 para sa unang 01-20 grams at ang Zone 2 (Middle East & Pacific) na P120 para sa unang gramo.
Para sa Zone 3 (Europe, America at US Possesions), P125 ang sisingilin para sa 01-20 grams, at sa Zone 4 (Africa, Central, South America at Caribbean) ay P130 para sa unang 01-20 grams ng liham.
Masisilip ang bagong singil sa registered mails sa lahat ng post office sa bansa at sa PhHLPost website, www.phlpost.gov.ph. (Mary Ann Santiago)
