OFFICIAL na ang pagiging mag-sweetheart on and off camera nina Alden Richards at Maine Mendoza na napanood Eat Bulaga nationwide at maging sa ibang bansa.
Big event at hindi na malilimutan ng AlDub Nation ang September 1, 2016, ang 59th weeksary celebration sa kalyeserye.
Walang nag-expect na ganoon ang mangyayari sa weeksary dahil hindi nakita si Alden sa ibang segment ng EB maliban sa pagpasok niya sa kalyeserye, sa paborito nilang nook ni Maine sa studio kapag may special occasion sila.
Dating ALS learner, isa nang ganap na police officer
Mabilisan ang pangyayari nang after magselos si Alden kay MM na pinsan naman pala ni Maine na dinalaw niya sa States, biglang tinanong na ni Alden si Maine ng, “Mahal mo ba ako?”
Halatang nabigla si Maine at humingi pa ng saklolo sa kanyang Lola Nidora (Wally Bayola) kung iyon na raw ba ang tamang panahon at sagot sa kanya, “Go for it.”
“Sasagutin mo na ba ang tanong ko? Handa ka na bang maging tayo?” ulit ni Alden.
Hindi pa rin sumagot si Maine at nag-dubsmash sila ng mga paborito nilang kanta pero makulit si Alden, seryoso uling nagtanong ng, “Maine, mahal mo ba ako? May mga bagay na dumarating sa buhay ng tao, iyong magpapabago ng takbo nito, iyong hindi mo inaasahan pero tinatanggap mo, pinahahalagahan, aalagaan habang buhay at makakasama sa habang panahon.”
Nagpakita muna ng video ng mga eksena sa kalyeserye simula nang magkakilala sila, ang paghihirap ni Alden sa mga pagsubok ni Lola Nidora, hanggang sa ngayon. At muling nagtanong si Alden:
“Maine, tinatanggap mo ba ako? Mahal mo ba ako, Maine? Mahal kita.”
Dito na narinig ang pasigaw na boses ni Allan K: “Sagot na, Maine, true to life na ‘yan!” At ang isa pang mahal na mahal ang AlDub, si Tito Sen ang nagsabi naman ng, “Dinirekta na.”
Nakitang tahimik si Maine, pero nang hawakan siya sa kamay ni Alden, nakitang nakangiti niyang sagot: “Oo, Alden, mahal din kita.”
Napaluhod at mahigpit na yumakap si Alden kay Maine habang parehong umiiyak.
“Tatandaan ko ito.” Sabi ni Allan K, “sa 59th weeksary naganap.”
Nakita rin ang dalawang lola na umiiyak. Sabi ni Lola Tinidora (Jose Manalo), natapos na rin, biro mo nga namang inalagaan nila ang dalawa for more than one year, since day one, on July 16, 2015 to September 1, 2016. At siyempre, nakita rin ang pagluha ng AlDub Nation sa Broadway studio at ang paglundag din nila sa tuwa. Ang EB Dabarkads, umiyak din sa tuwa dahil nakita nila, live na live, ang pangyayari sa dalawang mahal nila sa show.
May nagpadala sa amin nito: “Wala pong script ang kalyeserye today ayon sa staff ng EB. Kung ano ‘yung napanood n’yo totoo lahat lalo na ‘yung sa part ng AlDub kung saan naging emotional sila pareho. As you can see when Alden asked Maine kitang-kita ang gulat ni Maine na napansin din ni Allan K. True and legit po ang nangyari sa EB o KS, from legit source from EB.”
Heto pa ang isa: “I tried my best na ilihim ito, but here’s the truth. Believe it or not, not everything is scripted.
The video was made by Moty, as per Alden’s request, he asked EB staff not to tell Maine that he will come today, then when the writers told him about today’s episode, Alden asked them if he can do what we want. And then bang! The ‘mahal kita at tatanggapin mo ba ko’ by Alden is his own words.
“You know why Maine cried? Because Alden is never been vocal, iyakan sila after, may gagawin pa nga na dapat they will kiss, pero they just hugged at the backstage crying and happily exchanging ‘I love you!’ They even make mano to TVJ (Tito, Vic & Joey).”
Sa palagay namin, ginawa na ito ni Alden para mahinto na ang mga tanong sa kanila kung ano ang label ng relasyon nila. Although marami nang nakakaalam na matagal na silang on, pero itong September 1, ang matatandaang araw ng opisyal nilang pag-amin sa tunay nilang relasyon. So, congratulations, Alden and Maine, patunayan ninyong may forever!
