NAKA-JACKPOT ang APT entertainment, MZet Productions at GMA Films sa Imagine You & Me nina Alden Richards at Maine Mendoza dahil umabot sa P13M ang kinita sa opening day nito.
“Actually more than P13M ang alam ko,” sabi ng taga-APT Entertainment, “hindi ko lang alam ang exact figures. Walang padding ‘yan, ha?”
Mukhang magkakatotoo ang biru-biruang target gross income sa presscon ng Imagine You & Me na baka raw abutin ng P1B.
ALAMIN: Mga inisyatibo ng NCCA sa pagpapakilala ng kultura ng mga katutubo
Malaking bentahe ng pelikula ng AlDub na binigyan ito ng MTRCB ng General Patronage rating, kaya sakop lahat ng audience, puwedeng manood.
Nalaman din namin kahapon na inihahanda na ang next project nina Alden at Maine na pang-Valentine’s Day na dapat sana ay pang-MMFF pero hindi na aabot dahil sa hectic na schedule ng dalawa.
Samantala, may naamoy kaming tsika na may gusto raw kay Maine ang anak nina Vic Sotto at Coney Reyes na si Vico na konsehal ngayon ng Pasig City.
Kapag on location ang Eat Bulaga at sa barangay na nasasakupan ni Vico ay sobrang aligaga raw ang binata kay Maine at kinikilig naman ang dalaga.
Maraming nakakakita sa kanila kaya hindi raw puwedeng itanggi ni Maine.
Hindi raw kasi humihiwalay ang tingin ni Vico kay Maine, at nang minsang pumunta si Alden sa location ay nagulat daw ang dalawa.
Kaya pala sa presscon ng pelikula ay hindi nasagot ni Maine ang tanong kung may boyfriend na siya at ang sagot na lang niya ay, “Ah… tubig…” sabay taas ng baso habang nakatingin sa kanya si Alden.
Ano kaya ang reaksyon ng AlDub Nation dito? (Reggee Bonoan)
