ALMOST 15 years old lang si Loisa Andalio, as in nene pa, nang sumali sa Pinoy Big Brother 737. Ngayon, going 17 na pala siya.
Nang humarap si Loisa sa ilang press people sa set visit ng Wansapanataym Presents: Candy’s Crush sa Vera Perez Garden, ginulat kami ng malaking ipinagbago ng Kapamilya star, personality-wise. Dalagang-dalaga na siyang kumilos at sumagot sa mga tanong sa kanya.
Kaya naman pala pinagkakaguluhan siya ng tatlong leading men niya na sina Jerome Ponce (Wansapanataym: Candy’s Crush ), Joshua Garcia (sa seryeng Nasaan Ka Nang Kailangan Kita) at Yves Flores (Be My Lady).
Classic movie ‘Ipaglaban Mo!’, ipinalabas ng CCP bilang kampanya vs VAWC
Kay Joshua siya itinambal paglabas nila sa Bahay ni Kuya, ngayon ay exit muna ito dahil sa iba na siya itinatambal.
Binuwag na ba ang Loisa-Joshua love team?
“Ako po hindi ko po talaga alam,” simulang paliwanag ng dalagita. “Gaya nga ng sabi ko, nabigla lang rin ako sa kasama ko. Happy naman ako na makaka-work ko si Jerome. And si Joshua, happy rin ako na may work rin siya.”
Kasama si Jerome sa ginagawang movie ng KathNiel sa Barcelona, Spain.
Ibinuking ni Loisa na sa tatlong leading men niya, isa ang nagpapahaging o laging nagti-text sa kanya. Ayaw nga lang niyang pangalanan kung sino, sa katwirang, “Ayoko namang sabihan nila ako na feeling, or sabihin, nag-a-assume ako.”
Feeling ng reporters, may ‘something’ sila ni Joshua at may problems of the heart sila, na agad namang itinanggi ng dalagita.
“Going strong lang (ako),” aniya. “Kasi siguro iniisip nila na may relasyon at hiwalay na kami (ni Joshua) kasi hindi kami magkatrabaho. Pero hindi naman porke’t hindi kami magkatrabaho, still kayo na o break na kayo.”
Ano nga ba ang real score nila ni Joshua?
“Siguro special someone. Mutual (understanding). ’Yun na lang,” matipid niyang tugon.
Aniya, pareho silang busy ni Joshua ngayon, kaya less ang communications nila.
“Siyempre binibigyan mo naman siya ng space.”
Ang Wansapanatayn Presents: Candy’s Crush ay kuwento ni Candy (Loisa) na sinubukang gumamit ng gayuma para mapansin ni Jerome.
“Gusto ko kasing gumanti sa kanya kasi may ginawa siya sa akin na hindi maganda, ‘tapos ‘yun, gusto ko siyang gayumahin para pahirapan ko siya,” kuwento ng young actress.
Naniniwala ba sila sa gayuma, at kung sakali, sino naman ang gagayumahin nila?
“Baka magalit sa akin ang mga KathNiel, kasi ang gusto kong gayumahin ay si Daniel,” sabay tawang sagot ni Loisa.
“If given the chance, siyempre ang crush ko, si Ate Erich (Gonzales), gagayumahin ko lang para makausap, kuwentuhan lang,” sagot naman ni Jerome. “Wala akong ibang intensiyon kundi mapalapit sa kanya.” (ADOR SALUTA)
