Sinabi ng tumatayong Lead Defence Counsel ng kampo ni dating Pangulong Rodrigo Duterte na si Atty. Nicholas Kaufman na maituturing daw na “big catch” at hindi madaling pakakawalan ng International Criminal Court (ICC) ang kaniyang kliyente.
Matatandaang ibinasura ng ICC Appeals Chamber noong Miyerkules, Abril 22, 2026, ang apat na jurisdiction challenge ni FPRRD at pinagtibay nila ang naunang desisyon na tumangging kilalanin ang pagtutol ni Duterte sa kapangyarihan ng ICC.
KAUGNAY NA BALITA: 4 na jurisdiction challenge ni FPRRD, 'di nakaporma sa ICC Appeals Chamber!
Ayon naman sa inupload na video ng Duterte support na si Alvin Sarzate o mas kilala bilang “Alvin & Tourism” tungkol sa panayam nila kay Kaufman noon ding Miyerkules, sinabi ng huli na mahalaga raw na personalidad si FPRRD na nahuli ng ICC.
“The former President of the Philippines, Rodrigo Duterte, is the big catch of this Court,” pagsisimula niya.
Xi Jinping, pabor ding mabuksan ang Strait of Hormuz!—Trump
Ani Kaufman, kaya na rin daw hindi pumasok sa isip niya na madali lang pakakawalan ng nasabing hukuman ang kaniyang kliyente.
“It was never really my impression that they would let him go that easily,” aniya.
Pagpapatuloy niya, pinaghahandaan na raw niya ang mga susunod na kumpirmasyon sa desisyon ng ICC kaugnay sa mga kinakaharap na kaso ni FPRRD.
“Of course, we also have the confirmation decision coming up in the next few days. Once again, I’m looking forward to the future,” ‘ika niya.
Saad ni Kaufman, umaasa raw siyang matutukoy ang mga “weaknesses” o butas na idiniin nila noon para maging dahilan ng pag-uwi na ni FPRRD sa Pilipinas.
“We hope that the all weaknesses that we identified at the confirmation will be the very same weaknesses that lead ultimately to the former President’s acquittal and he will return home soon to the Philippines,” diin niya.
“Where he is so loved by all of you,” pagtatapos pa niya.
Sa kasalukuyan, hinihintay na lamang ng ICC kung kukumpirmahin ang mga sakdal laban sa dating pangulo at itutuloy ang paglilitis, o kung ititigil ang proseso o mag-uutos ng karagdagang imbestigasyon.
