Antonio, mapapalaban kay Barcenilla sa Battle of Grandmasters-Balita

Maagang magkakasubukan sina Grandmaster Rogelio Antonio Jr. at ang US-based na si Rogelio Barcenilla sa unang round ng 2016 National Chess Championships Grand Final (Battle of Grandmasters) men’s division na gaganapin sa Athlete’s Dining Hall ng Philippine Sports Commission sa Vito Cruz, Manila.

May tig tatlong slot ang nakataya para sa men’s at women’s team na isasabak sa Olympiad ang paglalabanan sa torneo na inorganisa ng National Chess Federation of the Philippines (NCFP).

Makakasagupa ni International Master (IM) Paulo Bersamina (ELO 2378) si FIDE Master (FM) Narquinden Reyes (ELO 2342) habang makakatapat ni Grandmaster (GM) Eugene Torre (ELO 2446) si National Master Emmanuel Emperado (ELO 2309).

Makakatapat ni NM Hamed Nouri (ELO 2327) si GM John Paul Gomez (ELO 2495) Maghaharap sina IM Chito Garma (2305) kontra IM Haridas Pascua (ELO 2424) habang sina GM Darwin Laylo (ELO 2457) at NM Michael Gotel (ELO 2238).

Ang NCFP Executive Director at GM din na si Jayson Gonzales (ELO 2388) ay sasagupa sa torneo kontra sa qualifier na si John Marvin Miciano (ELO 2044)

Magkatapat naman sina Women’s International Master Mikee Charlene Suede (ELO 2100) at kapwa WIM Janelle Mae Frayna (ELO 2285) habang makakasagupa ni WIM Catherine Secopito (ELO 2135) ang unranked na si Lucelle Bermundo (ELO 1890).

Ang Women’s FIDE Master (WFM) na si Shania Mae Mendoza (ELO 2193) ay sasagupa kay WIM Jan Jodilyn Fronda (ELO 2119) habang ang NCC Semifinals champion na si Judith Pineda (ELO 1905) ay haharapin si Marie Antoinette San Diego (ELO 2109).

Magtatapat sina WIM Bernadette Galas (ELO 2121) at WFM Allaney Jia Doroy (ELO 1824) gayundin sina WIM Berverly Mendoza (ELO 2013) at WNM Christy Lamiel Bernales (ELO 2037) pati na rin sina WMF Samantha Glo Revita (ELO 1827) at Arvie Lozano (ELO 1868).

Ang World Chess Olympiad ay gaganapin sa Setyembre 1-14 sa Baku, Azerbaijan. (Angie Oredo)

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...

Bilang ng mga pro-Marcos, tumaas; bumaba naman ang mga pro-Duterte – OCTA

Tumaas umano ang bilang ng mga Pilipinong itinuturing ang mga sarili bilang “pro-Marcos” habang bumaba naman ang mga Pinoy na “pro-Duterte,” ayon sa survey ng OCTA Research.Base sa Tugon ng Masa third quarter survey ng OCTA na inilabas nitong Lunes, Oktubre 14, 38% ng mga Pilipino ang sumusuporta sa administrasyon ni Pangulong Ferdinand “Bongbong” Marcos Jr. Mas mataas ito ng dalawang...

Asawa ni Harry Roque, nakaalis na ng bansa noon pang Setyembre – BI

Kinumpirma ng Bureau of Immigration (BI) na nakaalis na ng Pilipinas ang asawa ni dating Presidential Spokesperson Harry Roque na si Mylah Roque noon pang buwan ng Setyembre.Ayon sa BI nitong Martes, Oktubre 15, nakalabas ng bansa si Mylah noong Setyembre 3, 2024.Matatandaang Oktubre 11, 2024 nang mag-isyu ang House Quad Committee ng arrest order laban kay Mylah dahil sa tatlong beses nitong hindi...