AARTE na rin si Patricia Tumulak, ang tinatawag na HBD Girl o Happy Birthday Girl ng Eat Bulaga na dating na-link kay Sam YG at pilit ini-link ng ilang Aldub fans kay Alden Richards dahil lang magkasama sila sa noontime show.
Itinanggi na nina Ruby Rodriguez at Allan K na may relasyon sina Alden at Patricia, pero may mga ayaw pa ring maniwala. Naka-private ang Instagram (IG) ni Patricia, pero may Aldub fan na nakapasok at tinanong siya tungkol sa tsismis sa kanila ni Alden.
“Hindi po kami! Ang tanda ko na, girl!” ang sagot ni Patricia sa tanong.
Akala siguro ni Patricia, magtatapos na ang isyu, hindi pa rin pala. Nang malaman ng ilang Aldub fans na kasama siya sa cast sa bagong morning series na Calle Siete na papalit sa Princess in the Palace, hindi na raw sila manonood.
Carlos Yulo, wala pa raw naibibigay na tulong sa pamilya kahit palihim na abot?
May nabanggit sa amin na sa June 30 ang pilot ng Calle Siete, pero Thursday ‘yun, kaya mas malamang sa June 27 ang airing ng morning drama series. Kasama rin sa cast sina Eula Valdes, Ryzza Mae Dizon, Christian Vasquez at marami pang iba. (Nitz Miralles)
