Pasaway na motorista, puwede na sa payment centers

By Balita Online

June 06, 2016

In BALITA

Simula sa Hunyo 20 ay maaari nang magbayad sa pinakamalapit na payment center ang mga motoristang matitiketan sa paglabag sa batas-trapiko.

Kinuha ng Metropolitan Development Authority Manila (MMDA) ang serbisyo ng Bayad Center at SM Bills Payment bilang karagdagang payment center para mas maging kumbinyente ang pagbabayad ng mga lumabag sa mga batas-trapiko sa Metro Manila.

Nilagdaan kahapon ni MMDA Chairman Emerson Carlos ang memorandum of agreement (MOA) kina Dennis Yaw, ng SM Bills Payment; at Manuel Tuazon, presidente at CEO ng Bayad Centers, upang mas mapadali ang pagbabayad ng mga lumabag sa trapiko, nagkalat, nag-jaywalking, at maging sa mga no contact apprehension violation, sa mga payment center at sa mga payment kiosk sa SM mall.

Ito, ayon kay Carlos, ay upang matiyak na mababayaran ng mga motorista ang multa kahit weekends o kapag sarado ang bangkong accredited ng ahensiya, ang Metrobank, at ang MMDA redemption and payment center sa Makati City.

“We are making available all the facilities near them (violators) to settle the fines immediately and avoid being on the alarm list of government agencies when they are applying for a clearance or renewing their vehicle registration,” sabi ni Carlos.

Kapag hindi nabayaran ang multa, hindi mare-renew ng motorista ang kanyang driver’s license o rehistro sa Land Transportation Office (LTO). (Anna Liza Villas-Alavaren)

Makabayan bloc, nakiisa sa burol ni Nora Aunor; binalikan pakikisama niya sa masa

Nakiramay at pumunta ang ilang Makabayan bloc candidates sa burol ni National Artist for Film and Broadcast Arts at Superstar Nora Aunor.KAUGNAY NA BALITA: Nora Aunor, pumanaw na sa edad na 71Sa Facebook post ng Kabataan Partylist (KPL) noong Sabado, Abril 19, 2025, ibinahagi nila ang ilang larawan ng batikang aktres at mang-aawit na naging parte umano ng pakikibaka ng masa. 'Taos-pusong...

PBBM sa ‘Linggo ng Pagkabuhay’: ‘Sama-sama rin tayong babangon bilang isang bayan’

Sa kaniyang pakikiisa sa pagdiriwang ng Linggo ng Pagkabuhay ngayong Abril 20, ipinahayag ni Pangulong Ferdinand “Bongbong” Marcos Jr. na sa muling pagkabuhay ni Hesukristo, sama-sama rin daw babangon ang bawat Pilipino.Inilarawan ng pangulo sa isang Facebook post Linggo ng Pagkabuhay, na kilala rin bilang Pasko ng Pagkabuhay, bilang paalala ng pananaig ng “liwanag” at “pag-asa” para...

Easterlies, patuloy na magdadala ng mainit na panahon sa PH – PAGASA

Inaasahang patuloy na magdadala ang easterlies ng maalinsangang panahon sa bansa ngayong Linggo, Abril 20, ayon sa Philippine Atmospheric, Geophysical and Astronomical Services Administration (PAGASA).Base sa ulat ng PAGASA kaninang 4:00 ng madaling araw, iniulat ni Weather Specialist Daniel James Villamil na bukod sa mainit na panahon, may tsansa pa ring makaranas ng mga kalat-kalat na pag-ulan...