BOWLING GREEN, Florida — Banderang-kapos ang kampanya nina Pinay golf star Pauline del Rosario at Princess Superal sa US Women’s Amateur Four-Ball Championship nitong Miyerkules (Huwebes sa Manila).
Natalo ang tambalan ng Pinay sa American teen sensation na sina Angelina Kim at Brianna Navarrosa sa semi-final, 3 and 2, ng prestihiyosong torneo sa Streamsong Resort.
Nabigo naman ang 13-anyos na sina Kim at Navarrosa kina Hailee Cooper at Kaitlyn Papp sa championship match.
Umusad sa finals sina Cooper at Papp nang magwagi sa tambalan nina Alexandra Austin at 2015 US Women’s Mid-Amateur champion Lauren Greenlief, 4 and 3.
'Pikon daw?' UAAP fan na nag-dirty finger, agaw-eksena sa San Juan Arena!
Naghabol sina Superal at Del Rosario sa kaagahan ng laro nang makaiskor ang karibal ng tatlong sunod na birdie shot sa front nine.
“I still can’t believe it,” sambit ni Cooper.
“On the 19th green, it was kind of a realization like, ‘Wow, we just did it after all these holes we just played and after a tough match,” aniya.
Pambato ang 16-anyos na si Cooper ng Montgomery, Texas, habang ang 17-anyos na si Papp ay mula sa Austin, Texas.
“It’s crazy to have my name as a USGA champion along with Tiger Woods and so many other great players,” pahayag ni Papp, 2015 AJGA Girls Championship winner. “It’s just unbelievable.”
