Nilinaw ng Harbour Centre Port Terminal, Inc. (HCPTI) na ang naging desisyon ng Court of Appeals (CA) kamakailan na nagpapahintulot kay Michael Romero para pangasiwaan ang pasilidad ay walang kinalaman sa usapin ng pagmamay-ari sa P5-bilyon pasilidad.
Sa isang pahayag, iginiit ni Atty. Eugene Santiago, ng HCPTI, na si Reghis M. Romero II pa rin ang nagmamay-ari at nangangasiwa sa Harbour Centre.
Sinabi ni Santiago na nakasaad sa desisyon ng CA na “…all other matters pertaining to the legitimacy of the Board of Directors of Harbour Centre Port Terminal, Inc. (HCPTI), the question on the authenticity and due execution of the Port Ancillary Services Contract and Port Services Management Contract, as well as the Deed(s) of Assignments, must therefore be left for the determination of the respective regional trial courts, where the main cases are pending.”
Dagdag pa niya, hindi binibigyan ng desisyon ng CA ng tuwirang pangangasiwa sa HCPTI si Michael, ang One Source Support Services, Inc., o sinuman sa mga kawani o kinatawan nito.
Duterte siblings, nag-bonding: 'Always something to be grateful for'
Nilinaw din niyang ang One Source ay isa lamang HCPTI subcontractor ni Michael at walang karanasan o kuwalipikasyon sa port cargo handling company.
“In any event, the 12 May 2016 decision is not final and executory and thus cannot be effected considering that there is still a Motion for Reconsideration which is presently being done,” sabi pa ni Santiago.
