MUKHANG tuluy-tuloy na sa acting si Maine Mendoza dahil may workshop na siya under Gina Alajar. In fact, si Direk Gina ang nagbalita tungkol dito nang i-post ang picture nilang magkasama na ang caption ay, “My student for today... Such a sweet girl.”
Ikinatuwa ng fans ni Maine at ng Aldub Nation na si Direk Gina ang magwu-workshop kay Maine, she’s in good hands daw at marami siyang matututuhan sa award-winning actress/director.
Paghahanda na yata ni Maine ang workshop sa gagawin nilang projrct ni Alden Richards na hindi pa malinaw kung pelikula o TV show. Ang sabi ng dalawa, may big surprise sila sa Aldub Nation sa anniversary nila sa July 16.
Classic movie ‘Ipaglaban Mo!’, ipinalabas ng CCP bilang kampanya vs VAWC
Nauna nang napabalita na gagawa ng pelikula sina Alden at Maine under APT Entertainment at baka co-prouded ng GMA Films. Ang una ngang narinig namin, this April sila magsu-shooting, pero mukhang mauurong ang pagsisimula nila sa kanilang movie project dahil nagwu-workshop pa nga lang si Maine.
Ang teleserye ng AlDub ay mukhang malabo pa dahil hindi pa natin nabalitaang ipahihiram ng TAPE Inc. si Maine sa GMA-7. Bago kasi sila magsama sa TV show, kailangang may blessings muna ni Mr. Tony Tuviera. (NITZ MIRALLES)
