Inihayag ng National Bureau of Investigation (NBI)-Cybercrime Division na mayroon na silang lead sa kung sino ang maaaring nasa likod ng pag-hack sa website ng Commission on Elections (Comelec) kamakailan.
“As of now, I would say we have a very good lead. We are hoping in the next few days we will be able to identify, arrest and charge the person responsible,” sabi ni Ronald Aguto, hepe ng NBI Cybercrime Division.
“Basically, what the Comelec asked from NBI is to identify the hacker and eventually file a case against the hacker. As early as March 28, some of our agents already worked on the case,” ani Aguto.
Nang tanungin kung Pilipino ang mga hacker, sinabi ni Aguto na hindi pa nila tukoy kung dayuhan o Pinoy ang mga suspek.
Kabataan Party-list, itutulak pagpapatalsik kay VP Sara
“Naniniwala kami na grupo sila, at nasa Pilipinas,” aniya.
Kaugnay nito, sinabi naman ni Comelec Spokesman James Jimenez na pinag-aaralan na ng komisyon ang mga legal na hakbang laban sa mga suspek.
“The Comelec is studying legal remedies against those who intruded on the Comelec website as well as those who are benefitting,” sabi ni Jimenez.
“Obviously, Comelec has to run after the people who actually did this. Once they are identified and apprehended, there will be legal action taken against them as well as those who have been taking advantage of what they did,” dagdag niya.
Marso 27 nang i-hack ng grupong tinatawag na “Anonymous Philippines” ang website ng Comelec.
Kinabukasan, isang grupo naman na “Lulzsec Pilipinas” ang nagpahayag sa Facebook na napakialaman nito ang buong database ng Comelec. (Leslie Ann G. Aquino)
