Kampo ni Rep. Romualdez, nagkomento sa hold departure order ng Sandiganbayan-Balita

Kampo ni Rep. Romualdez, nagkomento sa hold departure order ng Sandiganbayan

By Mc Vincent Mirabuna

April 23, 2026

Sinagot ng abogado ni Leyte 1st District Representative at dating House Speaker Martin Romualdez na si Atty. Ade Fajardo ang naging paglalabas ng Precautionary Hold Departure Order (PHDO) ng Sandiganbayan laban sa nasabing mambabatas.

Base umano ito sa apela ng Office of the Ombudsman sa Sandiganbayan.

Ayon sa naging pahayag ni Fajardo sa inilabas niyang video statement nitong Huwebes, Abril 23, 2026, nilinaw niyang hindi pa nakakaalis ng Pilipinas si Romualdez at hindi raw totoo ang mga kumakalat na balitang nakalipad na ang huli palabas ng bansa.

“Representative Romualdez is in the Philippines and has not left the country. Any report and insinuation that he fled is false and irresponsible,” pagsisimula niya.

Ani Fajardo, nakipag-ugnayan na nga raw si Romualdez sa Department of Justice (DOJ) at Bureau of Immigration kaugnay sa apela niyang makapagpa-check up sa Singapore bilang pagsunod daw sa wastong proseso.

“Rep. Romualdez followed the proper process. He sought and secured the necessary travel authority and coordinated in good face with the Department of Justice and Bureau of Immigration for a brief long overdue four-day medical checkup with his attending decision in Singapore,” aniya.

Pagpapatuloy niya, nananatili pa rin daw nakikipagkoordinasyon si Romualdez sa mga kinauukulan bilang pagrespeto sa legal na proseso.

“This is fully consistent with his conduct from the very beginning. One of cooperation, transparency, and respect for legal processes,” saad niya.

Giit naman niya, “Unfortunately, this legitimate act has been twisted to create a prejudicial narrative that he intended to flee.”

Ayon pa sa abogado, nakahanda raw silang dumaan sa mga wasto at legal na paraan para makuwestiyon ang naging pag-uutos na PHDO ng Sandiganbayan laban sa kaniyang kliyente.

“We will avail of all appropriate legal remedies to question the issuance of this order before the proper forum. Rep. Romualdez remains committed to facing these allegations,” pagtatapos pa niya.

KAUGNAY NA BALITA: Romualdez sa Ombudsman: 'Follow the rule of law and due process!'

KAUGNAY NA BALITA: Kampo ni Romualdez, dumepensa sa isyu sa ‘travel clearance’ at sa Ombudsman

‘Ang healthcare ay hindi lang propesyon!’ 2 nurse, tinulungan manganak isang ginang sa kalsada

Tinulungan ng dalawang nurse na maisilang ng isang ginang ang kaniyang sanggol matapos itong maabutan ng panganganak sa kalsada kamakailan. Batay sa Facebook post ni Michelle Adones noong Lunes, Mayo 18, ang nasabing ginang ay may kasama pang menor de edad nang nakita nila itong nanganganak sa gilid ng kalsada. Sa kabila ng takot, pagod, at gulat, ibinahagi ni Michelle na nanaig pa rin daw ang...

Lalaking tinakbuhan mga nanggugulpi sa kaniya, patay matapos bumangga sa poste!

Patay ang isang 20-anyos na lalaki matapos maaksidente sa kaniyang minamanehong motorsiklo sa Kidapawan City makaraang makatakas umano mula sa grupong nanakit sa kaniya. Batay sa kuha ng CCTV, hinabol ng ilang kalalakihan ang biktima bago ito naabutan sa isang parking area kung saan siya pinagsusuntok at pinagtulungan umano ng grupo. Sa kabila ng pananakit, nakatakas pa umano ang biktima at...

PNP, susunod sa kautusan ng DOJ na ipatupad arrest warrant ng ICC vs Sen. Bato

Tiniyak ng Philippine National Police (PNP) na sila ay tatalima sa direktibang ibinaba ng Department of Justice (DOJ) hinggil sa pagpapalaganap ng warrant of arrest na inisyu ng International Criminal Court (ICC) laban kay Sen. Ronald “Bato” Dela Rosa. Sa isang pahayag na ibinahagi ng PNP nitong Huwebes, Mayo 21, idiniin nila ang kanilang paggalang sa proseso ng hustisya sa bansa. “The...