Ginapi ng De La Salle University ang Ateneo de Manila, 3-1, upang makopo ang unang finals berth sa UAAP Season 78 women’s football tournament sa McKinley Hill Stadium sa Taguig.
Naitala ni Sara Castañeda ang kanyang league-best sixth goal ngayong season sa ika-33 minuto, may 10 minuto matapos simulan ni Irish Navaja ang scoring para sa Lady Archers.
Sinundan naman ito ni Maria Teresa Bernardo sa ika-70 minuto para sa solong goal ng Lady Eagles bago tuluyang sinelyuhan ni Kyla Inquig ang panalo para sa Lady Booters sa ika-81 minuto.
Dahil sa panalo,mayroon na silang natipong maximum na 15 puntos at makapasok sa Finals sa kauna-unahang pagkakataon sa loob ng tatlong taon.
DepEd Sec. Angara na-starstruck kay EJ Obiena: 'We are proud of you!'
Sa isa pang laban, nagtapos sa 2-2 draw ang tapatan ng defending champion Far Eastern University at University of the Philippines sa rematch ng nakaraang season 77 Finals.
Umiskor ng dalawang goals para sa Lady Tamaraws si Jovelle Sudaria habang naka- goal naman sina Christina Delos Reyes at Mary Rose Obra para sa UP.
Nanatiling nasa ikalawang puwesto ang UP na may 10 puntos at pangatlo ang FEU na may 7 habang pang- apat pa rin ang Ateneo na may 6 na puntos. (Marivic Awitan)
