WITH 1.1M followers sa Instagram ni Iya Villania as compared to 430 followers ng husband niyang si Drew Arellano, hindi kataka-takang mas maraming likes ang ipinost na picture ni Iya nang ibinalita nila na pregnant na ang TV host/actress.
Hanggang kahapon, may 58, 494 likes na ang picture ni Iya na may nakadrowing na itlog sa tiyan na hawak naman ni Drew. Sabay ipinost ng mag-asawa ang picture last Easter Sunday, pero mas kuwela ang caption ni Drew na, “I found an EGG... and FERTILIZED it! Hahahaha! Wohooooo! Happy Easter it is! #EGGspecting #EGGciting #ComingSoon.”
Nakakatuwang malaman na well-loved ng netizens sina Drew at Iya at relationship goal sila ng iba. Lahat masaya sa pagbubuntis ni Iya dahil baby na lang daw ang kulang sa kanilang married life.
ALAMIN: Ano nga ba ang EBET Law na pinirmahan ni PBBM
This early, may mga nanghuhula na kung ano ang magiging gender ng kanilang first baby. Ang iba naman, gusto agad malaman kung ano ang ipapangalan nila sa kanilang baby. Ito ay kahit hindi pa ipinaalam nina Drew at Iya kung ilang weeks ng preggy si Iya.
Siguro naman, hindi maapektuhan sa pagbubuntis ni Iya ang taping niya ng Taste Buddies nila ni Solenn Heussaff, ang taping ng The Lip Sync Battle, taping ng Because of You na malapit nang matapos at ang pagiging segment host niya ng Chika Minute ng 24 Oras. (NITZ MIRALLES)
