BANGKOK – Natikman ng Petron Philippine Super Liga All-Stars ang ikalawang sunod na kabiguan nang padapain ng Idea Khonkaen, 22-25, 20-25, 19-25, Huwebes ng gabi sa Thai-Denmark women’s volleyball tournament sa MCC Hall ng The Mall dito.
Sa kabila ng kakulangan sa karanasan sa international tournament, nagamit ng Pinay belles ang natural na talento kung saan nagawa nilang makontrol ang laban sa kagahan ng laro, subalit sa huli, ang karanasan at tibay ng karibal ang nanaig.
Natikman ng Pinay ang unang kabiguan sa Bangkok Glass, 25-23, 11-25, 16-25, 9-25. (Kristel Satumbaga)
