MAGANDANG balita ang ibinahagi ni Kris Aquino sa kanyang fans via Instagram (IG), ang pagbabalik sa normal ng BP niya na ilang araw na ring mataas at ikinabahala ng kanyang mga kapatid.
Parang alam na ng followers ni Kris na tungkol sa career niya ang tinukoy niyang, “need to make some important life choices in the next few days.” Okay sa kanila kung magpapahinga muna sa TV si Kris, lalo na ang kasalukuyang morning show niya, basta maging healthy siya.
May mga nag-suggest na iwan na niya ang KrisTV dahil madalas na sa labas ng studio ang taping niya. Napapagod siya ‘pag malayo ang location, mas maganda raw kung balikan na lang niya ang Kapamilya Game Ka Na Ba dahil sa studio lang ng ABS-CBN ang taping.
