Mga laro ngayon
(Smart-Araneta Coliseum)
4:15 n.h. -- Phoenix vs Mahindra
7 n.g. -- Ginebra vs Alaska
'Pikon daw?' UAAP fan na nag-dirty finger, agaw-eksena sa San Juan Arena!
Puntirya ng Alaska na makopo ang solong ikalawang puwesto sa pakikipagbanggaan sa Barangay Ginebra sa tampok na laro ngayong gabi ng OPPO-PBA Commissioner’s Cup sa Smart-Araneta Coliseum.
Nakapuwesto kasama ang Philippine Cup titlist San Miguel Beer na kapwa may 3-1 karta, target ng Aces na mapatatag ang kampanya laban sa pinakapaboritong koponan ng masa.
Kapwa itataya ng dalawang koponan ang kanilang three-game winning run sa ganap na 7:00 ng gabi.
Sa unang laro, magkakasubukan ang Phoenix Petroleum at Mahindra, ganap na 4:15 ng hapon.
Matapos matalo sa Blackwater sa una nilang laban, nagtala ng tatlong sunod na tagumpay ang Aces, pinakahuli kontra Fuel Masters noong Marso 4, sa iskor na 105-89.
Bigo sa unang dalawa nilang laro, rumatsada naman ang Kings sa nakaraaang tatlo nilang laban, pinakahuli laban sa Enforcers noong Marso 2, 104-86, sa Ynares Sports Center sa Antipolo. (Marivic Awitan)
