KUWENTO ng isa naming kaibigang staff ng ilang programa ng ABS-CBN na nagkataong malapit kay Anthony Taberna, sumama raw ang loob ng premyadong TV host/radio commentator sa biglang kanselasyon ng programang pagsasamahan sana nila ni Kris Aquino.
Nadismaya raw si Anthony, pero wala naman daw siyang magagawa dahil desisyon iyon ng executives ng kanilang network.
Binanggit din ng kausap namin na nalaman daw ng kampo nila na may isang maimpluwensiyang executive na gumawa ng paraan para huwag matuloy ang pagsasama nina Kris at Ka Tunying sa isang TV show.
ALAMIN: Mga dapat malaman at gawin upang maging ligtas sa ‘tsunami’
“Hindi naman hiningi ni Ka Tunying na pagsamahin silang dalawa ni Kris sa show. Kumbaga, nanahimik lang siya at kuntento na siya sa mga regular shows niya sa Dos at pati na rin sa radio program niya,” sey pa ng kausap namin.
Ang ikinalungkot lang daw ng kampo nila, kung bakit after makapag-taping sina Kris at Ka Tunying ng dalawang episode ay saka naman bigla na lang sinabi na hindi na itutuloy ang show ng dalawa.
Dagdag pa ng kausap naming, kahit naibasura ng network ang naturang programa nina Kris at Ka Tunying, tuloy pa rin ang buhay para sa huli. Masaya pa rin naman daw siya sa programa niya sa network.
Napag-alaman din namin sa source na may planong tumungo sa abroad si Ka Tunying kasama ang pamilya.
Ayaw magkomento ng kausap namin sa nasagap naming usap-usapan sa Dos na lilipat daw ng ibang network si Anthony Taberna. Tatapusin lang daw ni Anthony ang natitirang ilang buwan ng kontrata niya sa Kapamilya Network, then babu na siya sa pagiging kapamilya.
Samantala, nakatakdang ilunsad ang bagong bihis na KrisTV kaya panay ang meeting ng mga staff ng show. Siyempre, ang Queen of All Media pa rin ang host ng programa, huh! (JIMI ESCALA)
