Nagbabala ang EcoWaste Coalition sa publiko laban sa mga hair dye na naglalaman ng sodium perborate, isang nakalalasong boron compound, kasunod ng Europe-wide product alert laban sa tatlong brand.
Batay sa iniulat ng Rapid Alert System for Dangerous Non-Food Dangerous (RAPEX) ng European Union, ipinababawi ng gobyerno ng United Kingdom ang “Bigen Permanent Powder Hair Colour,” “Blasol Powder Hair Colouring Formula” , at “JR Beauty Organics Permanent Powder Hair Colour” dahil naglalaman ito ng ipinagbabawal na sodium perborate.
“Sodium perborate is toxic if inhaled, causes serious eye damage, is harmful if swallowed and may cause respiratory irritation. It may damage fertility or the unborn child,” nakasaad sa UK product recall notification.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
“Our market monitoring shows that at least three brands of hair dyes containing sodium perborate as written on their labels are offered for sale in the local market. You can buy them at major department stores, pharmacies and supermarkets despite being banned in Europe,” pabatid ni Thony Dizon, Project Protect coordinator ng EcoWaste Coalition.
Hiniling ng grupo sa Food and Drugs Administration (FDA) na ipanukalang isama ang sodium perborate sa Annex II, Part 1 ng ASEAN Cosmetics Directive, o sa listahan ng “substances which must not form part of the composition of cosmetic products.” (PNA)
