NAGREREKLAMO ang fans ng love team nina Derrick Monasterio at Bea Binene, bakit daw ipinapareha pa rin si Derrick kay Julie Anne San Jose, eh, may teleserye sila ni Bea na malapit na ang airing?
Malilito raw ang ibang fans kung ang DerBea nina Derrick at Bea o ang sinisimulang i-build-up na love team nina Derrick at Julie Anne ang susuportahan. Ano raw ba ang priority ng GMA-7?
Sina Derrick at Bea ang magkasama sa Vampire ang Daddy Ko at sila rin ang magkatambal sa bagong teleserye na Hanggang Makita Kang Muli na end ng February ang airing.
ALAMIN: Ano nga ba ang EBET Law na pinirmahan ni PBBM
Kaya lang, sina Derrick at Julie Anne naman ang pinagtatambal sa Sunday Pinasaya. Paano raw ang love team nina Julie Anne at Jake Vargas na napapanood sa mga show na Pepito Manaloto at Afternoon Prime na Buena Familia?
Anyway, si Laurice Guillen ang director ng Hanggang Makita Kang Muli na sobrang challenging ang role at karakter ni Bea. (Nitz Miralles)
