PATULOY ang partnership ng Calvin Klein at ng Sorry singer na si Justin Bieber sa pagbabahagi niya ng kanyang larawan na nakasuot ng boxer briefs.
“I flaunt in #mycalvins,” caption ni Justin sa larawan niya katabi ang isang naked statue.
Samantala, nagbahagi rin ang Calvin Klein ng inaantok na larawan ng pop star (na nakahawak ang mga kamay sa pribadong bahagi ng kanyang katawan), at sinabing, “Back in bed with @justinbieber. Introducing the Spring 2016 Calvin Klein global advertising campaign.” Nagsimulang maging endorser si Bieber ng nasabing brand noong Enero ng nakaraang taon, na nakahubad-baro siya at ipinakilala bilang “the new face of Calvin Klein.”
Naging usap-usapan na sa Internet ang mga larawan ni Bieber, at napag-usapan din sa Saturday Night Live.
