MAGSASAMA si Mariah Carey at ang kanyang bilyonaryong businessman fiancé na si James Packer, 48, sa isang inuupahang mansiyon na tinatawag na The Oaks sa Calabasas, California, balitang kinumpirma ng ET. Si Emil Hartoonian ng The Agency – isang luxury real estate brokerage and lifestyle company – ang namagitan sa deal na $250,000 ang babayaran ng couple kada buwan (o $3 million kada taon) bilang renta sa mansiyon.
“The deal was done in just a few days,” sabi ng source sa ET. “The couple was not looking at homes for a long time.
This is just the perfect place for Mariah and her family – it’s safe, it’s secure, it’s home.”
Mag-asawang hindi nakapagtapos ng pag-aaral, pinagtapos naman ang 9 na anak!
Ang 18,000-square-foot estate ay may nakamamanghang mga tanawin. Ang mansiyon ay mayroong sinehan, sauna at gym, at ang lahat ng mga batong nakapaligid sa bahay ay imported mula sa Italy, ayon sa source. May option din sina Carey at Packer kung bibilhin nila ang mansiyon.
Perfect ang family-friendly estate sa magkasintahan dahil ang 45 taong singer ay may dalawang anak, sina Monroe at Moroccan—mula sa kasa nila ni Nick Cannon. Si Packer naman ay may tatlong anak sa dating asawang singer at modelo na si Erica Baxter — sina Indigo, Jackson, at Emmanuelle.
Siyempre pa, may mga sikat na kapitbahay sa Calabasas ang magkasintahan. Ang ilan sa mga kanila ay ang pamilya Kardashian, Drake, Will Smith, at Britney Spears.
Malinaw na hindi problema ang pera sa mayamang magkasintahan. Inalok ni Packer si Carey na magpakasal noong Huwebes sa pamamagitan ng 35-carat diamond and platinum engagement ring, na gawa ng New York-based jewelry designer na si Wilfredo Rosado. (ET Online)
