Inibisuhan ng mga opisyal ng Manila District Traffic Enforcement Unit (MDTEU) ang mga motorista kaugnay ng pagsarara ng ilang lansangan sa siyudad upang bigyang-daan ang parada ni 2015 Miss Universe Pia Wurtzbach ngayong Linggo ng hapon.
Ayon sa Manila City officials, magsisimula ang ruta ng parada sa Sofitel Hotel sa Pasay City patungong Bukaneg Street, kaliwa sa Roxas Boulevard, kanan sa P. Burgos Street, daraan sa Manila City Hall, kanan sa N.A. Lopez Street, kanan sa San Marcelino Street, kanan sa Ayala Boulevard, kaliwa sa Taft Avenue, kanan sa President Quirino Avenue, kaliwa sa Roxas Blvd. at babalik sa Sofitel Hotel.
Sinabi ng MDTEU na paparahin ang mga sasakyan sa mga intersection sa pagdaan ng convoy ni Wurtzbach at ito ay muling bubuksan kapag nakaraan na ang grupo. (Jenny F. Manongdo)
