Ni NORA CALDERON
BAKIT wala na si Julia Clarete sa Eat Bulaga? Ito ang tanong ng marami na natanggap namin sa pagpasok pa lamang ng 2016.
Ang alam namin, bago natapos ang November 2015, umalis si Julia for Canada kasama si Glaiza de Castro for a series of shows doon. May nag-tweet din sa amin kung totoo bang umalis na si Julia sa noontime show. Ang sagot namin, nakabakasyon lang si Julia kaya wala pa sa show.
'Sarap sa pakiramdam!' Kiray mahal na mahal, never niloko ng jowa
Iyon kasi ang sagot sa amin ng isang EB insider.
True enough, the following day, napanood na muli si Julia sa show. Muli siyang napanood na kabatuhan nina Alden Richards at Sam YG sa “ATM That’s My Bae” segment.
Pero hindi nagtagal si Julia sa muli niyang pagbalik sa show dahil simula nang hindi na siya uli napanood, hanggang sa ngayon ay hindi pa rin siya bumabalik.
Nasagot ang katanungan ng marami nang mag-post nito si Julia sa kanyang Facebook account:
Missed me?
You can see me,
But for one night only.
12 Monkeys Music Hall & Pub #GRRRRLS night on January 26, Tuesday at @12Monkeysph. With performances by MOONSTARSS, GRACENOTE, CHEATS and THE CULT OF JULIAROBERTS.
Dagdag pang post ni Julia: “’Wag na po sana malungkot... Pasensiya na kung di ako nakapagpaalam nang mas maaga. Hindi ako nakapagpadespedida man lang. Hayaan ninyo ‘pag naayos ko na ang lahat, babalik ako para magsama-sama tayo sa #tamang panahon.”
May tsika pa kaming nasagap na naka-base na si Julia ngayon sa Kuala Lumpur in Malaysia.
