Inamin ni Hall of Fame trainer Freddie Roach na hindi pinili ni Manny Pacquiao na kalabanin si dating world champion Amir Khan dahil hindi naniniwala ang HBO na kakagatin ng boxing fans ang sagupaan ng dating magka-stable sa Wild Card Gym sa Hollywood, California.
Kabilang si Khan sa short list ng tatlong bosingerong pinili ni Pacquiao na si WBO welterweight champion Timothy Bradley at kaibigan nitong si WBO light welterweight titlist Terence Crawford.
Maraming nadismayang boxing fans sa ikatlong sagupaan nina Pacquiao at Bradley ngunit iginiit ni Top Rank big boss na posibleng tumabo sa pay-per-view ang sagupaan sa Abril 9, 2016 sa MGM Grand, Las Vegas, Nevada.
Idineklara ng World Boxing Council na mandatory contender si Khan ng magwawagi sa sagupaan nina dating world champions Danny Grcia at Robert Guerrero sa Enero 23 sa Los Angeles, California kaya hihintayin na lamang niya ang resulta nito.
Akari Sports wala pang balak pasukin ang PBA
“The thing is he’s not a big pay-per-view draw,” pag-amin ni Roach sa Boxing News.
“We had talks about him and I know him very well, he’s a good boxer,” dagdag ni Roach. “His speed would give anyone in the world trouble, he’s a very good fighter, but his name got thrown out very, very quickly by HBO. HBO didn’t want that fight.” (Gilbert Espeña)
