MAY sitsit ang aming source na si Liza Soberano na raw talaga ang gusto ng Star Cinema para gumanap sa bagong Darna movie kaya pinagti-training na siya.

Bagamat nasulat na namin ito noon ay may pagbabago raw dahil masyado pang bata si Liza para maging Darna at medyo malamyang kumilos, at higit sa lahat baka hindi siya pumayag na magsuot ng costume na medyo sexy.

“Nu’ng una ayaw, pero balita ko nagti-training na si Liza kaya nga napapansin mo bang hindi siya visible ngayon?”

ALAMIN: Ano nga ba ang EBET Law na pinirmahan ni PBBM

kuwento ng source.

Hirit namin, nawawala sa limelight si Liza dahil nagti-taping siya ng bagong soap drama nila ni Enrique Gil.

“Kasabay ng training din niya ang taping,” hirit ulit sa amin.

At heto pa, Bossing DMB, nagtanung-tanong din kami sa mga nakasabay namin sa pila sa Gateway kung sino ang gusto nilang gumanap na Darna bukod kay Angel Locsin, at ang pangalan ni Liza ang binanggit ng nakararami.

Sa madaling sabi, baka nagpa-survey na rin ang Star Cinema kung sino ang gusto ng karamihan at malamang na si Liza Soberano ang winner.

Oo nga naman, dapat talaga kung sino ang gusto ng karamihan ay iyon ang dapat sundin para siguradong kikita ang pelikula at may fan base, hindi ‘yung puro screaming fans lang at iilan lang naman ang willing magbayad sa mga sinehan para manood.

In fairness, maraming fans si Liza, di ba, Bossing DMB?