TOTOO na raw ito, sa January 18, 2016 na ang pilot ng Wish I May na papalit sa The Half Sisters na magtatapos naman sa Jan. 15. Wala nang atrasan ito, kaya wala nang rason para magtampo pa sa GMA-7 ang BiGuel fans nina Bianca Umali at Miguel Tanfelix.
Dahil sa paulit-ulit na extension ng The Half Sisters, ilang beses ding naurong ang pilot ng Wish I May, ang bagong Afternoon Prime nina Miguel at Bianca na ikinadidismaya ng kanilang fans. Sa Ismol Family every Sunday na lang kasi nila napapanood ang favorite love team nila at sa comedy pa.
Ang feeling ng fans, nawala ang momentum ng BiGuel love team para sumunod sa AlDub love team nina Alden Richards at Maine Mendoza dahil sa ginawa ng network. Pero sabi ng mga nakapanood na ng teaser ng Wish I May, babawi rito ang Biguel, kaya abangan sa nabanggit na petsa.
