NAPANOOD namin sa social media ang full trailer ng Written In Our Stars teleserye na nakatakdang umere sa 2016, bida sina Piolo Pascual, Sam Milby, Jolina Magdangal at Toni Gonzaga mula sa direksiyon ni Andoy Ranay, handog ng Dreamscape Entertainment.
Parang pelikula ang trailer, Bossing DMB, kaya talagang tinapos namin pero nabitin kami. Tungkol pala ito sa guardian angels.
Sa unang eksenang ipinakita ay nasa Baguio sina Piolo at Jolina na may sariling farm at naaalala namin sa ganitong eksena ang pelikulang Don’t Give Up On Us na huling pelikula nina PJ at Judy Ann Santos noong 2006 dahil long hair din ang aktor na si Binibining Joyce Bernal ang nagdirek.
BALITAnaw: Ang dalawang babaeng naging pangulo ng Pilipinas
Sa ikalawang eksena, ipinakita naman sina Toni at Sam at sinasabi ng huli na bigyan siya ng isa pang chance. Ibig sabihin, ex-boyfriend ng aktres ang binata.
Hmmm, alam mo ba, Bossing DMB na nangyari ito in real life? Hindi lang namin alam kung bakit hindi inamin ni Toni na naging boyfriend niya si Sam, at younger pa sila noon.
Anyway, sa ikatlong eksena ay may-ari na ng restaurant si Toni sa Baguio/Sagada at super rich na, pero masama ang ugali niya kaya hindi siya gusto ng lahat ng mga empleyado niya.
Dito nakilala ni Toni si Piolo, na nagrereklamo sa restaurant dahil sa maling waste disposal na nakakaapekto sa farm niya.
Natulala si Piolo nang makita si Toni, at simula noon ay lagi nang nagkukrus ang mga landas nila. Sa huli ay ikinasal sila at nagkaroon ng anak na lalaki, si Marco Masa na mas kilala bilang si Nathaniel.
Love life lang pala ang magpapabait kay Toni, kaya manghang-mangha ang mga empleyado niya na nag-iba ang ugali ng boss nila.
Pero maagang kinuha ni Lord si Piolo, at naalala namin ang pelikulang Ghost nina Patrick Swayze at Demi Moore dahil binabantayan ng aktor ang mag-ina niya, ayon na rin sa bilin ni San Pedro na ginagampanan ni Buboy Garovillo, dahil naliligaw daw ang kaluluwa ni Toni at kailangang itama ng direksyon.
Sa isang program sa school ng anak ay nagkuwento si Marco kung paano nagkakilala ang magulang niya na pinagtakhan ni Toni dahil paano nalaman ng anak ang lahat ng tungkol sa buhay niya gayong baby pa ito nang pumanaw ang tatay nito.
Kaya nabanggit ng bata na kuwento iyon ng daddy niya.
So, bitin na bitin, di ba, Bossing DMB?
At hindi pa malinaw kung ano ang papel ni Sarah Lahbati sa Written In Our Stars at sa buhay ng mag-inang Toni at Marco.
Magkakabalikan kaya sina Toni at Sam sa kuwento? (Reggee Bonoan)
