Impeachment, 3 taon pinaghandaan

Impeachment, 3 taon pinaghandaan—Mayor Baste

By Mc Vincent Mirabuna

July 09, 2026

Pumatutsada si Davao City Mayor Sebastian “Baste” Duterte na humigit-kumulang tatlong taon daw pinaghandaan ang pagsasampa ng impeachment complaints laban sa kapatid niyang si Vice President Sara Duterte.

Matatandaang katatapos lang ng unang tatlong araw ng Senate impeachment trial noong Miyerkules, Hulyo 8, na opisyal na nagsimula noong Lunes, Hulyo 6, 2026.

KAUGNAY NA BALITA: ‘I would say that it's a good week for the prosecution!'—House Prosecutor Zamora

Sa naging pahayag naman ni Mayor Baste sa panayam sa kaniya ng Duterte Supporter na si Alvin Sarzate noong Miyerkules (araw sa The Hague, Netherlands), Hulyo 8, 2026, sinabi niyang hindi raw siya nanonood ng court proceedings ng impeachment trial laban sa kaniyang kapatid dahil planado na raw ito simula pa noong tatlong taon na ang nakalipas nang maupo raw sa puwesto si Pangulong Ferdinand “Bongbong” Marcos, Jr.

“Ako, hindi ako nanonood. Kasi noong simula pa lang, when this impeachment campaign begin, it was three years ago,” pagsisimula niya.

Diin pa niya, “Even noong simula pa lang ng termino ni Marcos ‘yan. Noong nagkalabuan na, nandiyan na ‘yang usapang impeachment against the Vice President.”

Ani Mayor Baste, kung ano-ano na lang daw ang idinagdag ng mga kalaban ni VP Sara bukod sa usapin ng confidential funds sa Department of Education (DepEd).

“For what? The confidential funds? And ngayon dinadagdagan nila kung ano-ano na lang na puwedeng idagdag,” buwelta niya.

Pagpapatuloy ni Mayor Baste, gusto raw ng mga kalaban nila na ma-impeach si VP Sara para masunod daw ang gusto ng mga ito at manatili sa kapangyarihan.

“Gusto nila na may impeachment para masunod ‘yong gusto nila. It’s not about really like the Vice President defending herself. But it is about putting her sa lugar kung saan nila gusto na nandiyan siya,” saad niya.

“Kaya nga nila ini-insist ‘yong impeachment na ‘yan kasi they want to remain in power. Gusto nila, sila. That’s all I can say. Kapag pumayag ‘yong mga tao, wala na kaming magagawa,” pagtatapos pa niya.

Samantala, nakatakdang muling simulan ang impeachment trial laban kay VP Sara sa darating na Lunes, Hulyo 13, hanggang sa araw ng Miyerkules, Hulyo 15, 2026, na magsisimula tuwing 2:00 ng hapon.

KAUGNAY NA BALITA: Sen. Padilla, inurirat testigo tungkol sa orihinal na nag-record ng pagbabanta ni VP Sara

KAUGNAY NA BALITA: VP Sara, walang 'bad reaction' sa naganap na day 2 ng impeachment trial!

Rep. Cendaña, binuweltahan si PBBM sa pagpapaubaya ng taas-sahod sa pag-aaral ng wage boards

Nagpahayag ng pagkadismaya si Akbayan Party-list Rep. Perci Cendaña matapos sabihin ni Pangulong Ferdinand “Bongbong” Marcos, Jr. na nagpapatuloy pa rin ang pag-aaral ng Regional Tripartite Wages and Productivity Boards hinggil sa dagdag-sahod para sa mga manggagawang nasa rehiyong nasa labas ng Metro Manila. Kasunod ito ng pahayag sa media ni PBBM noong Miyerkules, Hulyo 8, kung saan...

Sa halagang ₱1k: Lalaking 'di makabayad ng utang, pinagsasaksak!

Kritikal sa ospital ang isang 23-anyos na lalaki matapos umanong saksakin ng tatlo niyang mga kainuman kaugnay ng hindi nabayarang utang, sa bayan ng San Fabian, Pangasinan. Lumilitaw sa imbestigasyon na nauwi sa mainitang pagtatalo ang usapan matapos singilin ng isa sa mga suspek ang biktima sa umano'y ₱1,000 na pagkakautang na matagal na nitong ipinapangakong babayaran. Ayon kay Police...

VP Sara dedma sa impeachment trial, nagtanim ng puno!

Masayang nakiisa si Vice President Sara Duterte sa isang tree planting activity at mga pagdiriwang sa Surigao del Sur nitong Miyerkules, Hulyo 8. Sa kabila ito ng pagpapatuloy ng impeachment trial laban sa kaniya sa Senado, na nasa ikatlong araw na. Sa isang Facebook post, ibinahagi ng bise presidente ang kaniyang pagbisita sa Barangay Bigaan sa bayan ng Hinatuan bilang pakikiisa sa ika-18 Araw ng...