‘I would say that it's a good week for the prosecution!'

‘I would say that it's a good week for the prosecution!'—House Prosecutor Zamora

By Mc Vincent Mirabuna

July 08, 2026

Inihayag sa publiko ng isa sa mga House Prosecutor na si San Juan City Lone District Rep. Ysabel Maria Zamora ang tila naging resulta ng naganap na unang linggo ng Senate impeachment trial laban kay Vice President Sara Duterte.

Habang sinusulat ito, natapos na nitong Miyerkules, Hulyo 8, 2026, ang ikatlong araw ng Senate impeachment trial na nagsimula noon pang Lunes, Hulyo 6, 2026.

Isa sa mga pangunahing nagharap sa Korte sina Atty. Amando Virgil Ligutan, ang pro bono private prosecutor, at si Atty. Carlo Joaquin Narvasa, mula naman sa defense team.

Sumentro ang naging unang tatlong araw ng impeachment trial sa Article IV ng Articles of Impeachment kaugnay sa naging pagbabanta umano ni VP Sara sa buhay nina Pangulong Ferdinand “Bongbong” Marcos, Jr., First Lady Liza Marcos, at Leyte 1st District Representative at dating House Speaker Martin Romualdez magmula noong Nobyembre 23, 2024 at mga sumunod pang pangyayari.

KAUGNAY NA BALITA: KILALANIN: Si Atty. Amando Virgil Ligutan ng prosecution team

KAUGNAY NA BALITA: KILATISIN: Si Atty. Carlo Narvasa ng defense team

Sa ikinasa namang press conference ng House prosecution panel na dinaluhan ni Zamora hapon nitong Miyerkules, Hulyo 8, nagawa siyang kuwestiyonin ng mga mamamahayag kung nakuha ba raw ng prosecution ang momentum sa unang linggo ng impeachment trial.

Mariin namang umiwas si Zamora na direktang tugunan ang hinihinging sagot ng media.

“I wouldn’t say that,” aniya.

Preno naman ni Zamora, sigurado lang daw siyang masasabi niya na isang magandang linggo ang naganap para sa hanay ng prosecution.

“But I would say that it is a good week for the prosecution,” pagtatapos pa niya.

Samantala, nakatakdang muling gumulong ang Senate impeachment trial laban sa Pangalawang Pangulo sa darating na Lunes, Hulyo 13, hanggang Miyerkules, Hulyo 15, 2026, na magsisimula tuwing 2:00 ng hapon.

KAUGNAY NA BALITA: VP Sara, walang 'bad reaction' sa naganap na day 2 ng impeachment trial!

KAUGNAY NA BALITA: Sen. Padilla, inurirat testigo tungkol sa orihinal na nag-record ng pagbabanta ni VP Sara

VP Sara dedma sa impeachment trial, nagtanim ng puno!

Masayang nakiisa si Vice President Sara Duterte sa isang tree planting activity at mga pagdiriwang sa Surigao del Sur nitong Miyerkules, Hulyo 8. Sa kabila ito ng pagpapatuloy ng impeachment trial laban sa kaniya sa Senado, na nasa ikatlong araw na. Sa isang Facebook post, ibinahagi ng bise presidente ang kaniyang pagbisita sa Barangay Bigaan sa bayan ng Hinatuan bilang pakikiisa sa ika-18 Araw ng...

13-anyos, bistado sa pagpapakalat ng 'death threat' sa principal at eskwelahan!

Natukoy na ng mga awtoridad ang salarin sa isang Facebook post na nagbanta sa seguridad ng isang pampublikong paaralan sa Cebu City. Ayon sa mga ulat, kinilala ang salarin na isang 13 taong gulang at dating mag-aaral umano sa eskwelahang biniktima niya. Batay sa imbestigasyon ng mga awtoridad, ang death threat ng binatilyo ay pamamaril laban sa mga Grade 7, Grade 8, mga guro at principal ng...

Castro sa pa-bloodbath ni VP Sara: 'Magiging madugo talaga ‘to kung hindi makikita ng taumbayan ang katotohanan'

Idiniin ni Palace Press Officer at Presidential Communications Office (PCO) Undersecretary Atty. Claire Castro na magiging madugo talaga kung hindi raw makikita ng sambayanan ang katotohanan, sa gitna ng impeachment trial na kinahaharap ni Vice President Sara Duterte sa Senado. Kaugnay ito sa maiksing pahayag na ibinahagi ni VP Sara nang siya ay tumungo sa Senado noong Martes, Hulyo 7; hindi para...