NAKASISINDAK-Balita

HINDI biro ang nakasisindak na karanasan ng mga nagiging biktima ng kasumpa-sumpang “tanim bala” sa Ninoy Aquino International Airport (NAIA) at sa iba pang paliparan sa bansa. Sinong pasahero ang hindi aatakehin ng matinding nerbiyos kung bigla na lamang madidiskubre ng mga tauhan ng Office of Transportation Security (OTS) na may mga bala ng baril sa kanyang bagahe? Kung bigla na lang siyang poposasan at aakusahan ng illegal possession of live ammunition?

Sa pagtalakay sa naturang isyu, hindi na natin bubusisiin kung ang “tanim bala” ay kagagawan ng ilang tauhan ng NAIA na walang hangarin kundi sirain ang kasalukuyang administrasyon; kung talamak ang sindikato na walang inaatupag kundi mangikil ng malaking halaga sa mga pasahero na ang karamihan ay OFWs na itinuturing nating mga bayani ng lipunan; kung nais lamang palitawin na ang NAIA ay dapat panatilihing nakalugmok sa pagiging pinakamalalang paliparan o worst airport sa daigdig.

Manapa, nais ko lamang ipahiwatig na kabilang tayo sa mga nagkaroon ng traumatic experience o nakasisindak na karanasan sa isang airport sa Asia. Sa pag-inspeksiyon ng mga security force sa Singapore International Airport (iba na yata ang pangalan nito ngayon), natuklasan ang isang Swiss knife sa aking attaché case. Itinuring na ito ay isang deadly weapon sapagkat ito ay may matatalim na bahagi na tulad ng blade, can opener, lagari at iba pa. Kinumpiska ito at niresibuhan at ipinagkatiwala sa aircraft authorities na sinakyan ko pauwi sa Pilipinas. Naibsan lamang ang aking matinding nerbiyos nang bigla na lamang iabot sa akin ng stewardess ang aking Swiss knife nang kami ay lumanding sa Manila International Airport (MIA), na ngayon ay NAIA.

Mula noon, hindi ko na inilagay sa aking bagahe ang naturang lanseta na dati ko namang dinadala sa lahat ng aking nakaraang paglalakbay. Ayaw ko nang danasin ang gayong nakasisindak na karanasan.

Isa itong leksiyon sa iba pang pasahero na laging naglalakbay. Subalit sino nga naman ang makaliligtas sa maka-hayop na sistema ng pamamalakad ng ilang tauhan ng NAIA? (CELO LAGMAY)

TINGNAN: Listahan ng mga nag-file na kandidato sa pagkasenador at party-list

Narito ang listahan ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Linggo, Oktubre 6, sa ikaanim na araw ng filing.Ang listahang ito ay mula sa Commission on Elections (Comelec):SENATORIAL CANDIDATES:1. Bondoc, James Patrick Romero2. Guigayuma, Junbert Malinis3. Amad, Wilson Caritero4....

Pagbabawas ng isang taon sa kolehiyo, isinusulong ng party-list

Isa raw sa mga isusulong na plataporma ng EDU-AKSYON Party-list sa kongreso ay ang pagbabawas ng kurikulum sa kolehiyo nang maghain sila ng certificate of nominations and acceptance (CONA) ngayong Linggo, Oktubre 6, sa The Manila Hotel Tent City.Sa panayam ng media sa grupo, inilatag ni EDU-AKSYON Secretary General Domingo Brum, Jr. ang ilang detalye tungkol sa kanilang nasabing plataporma.“Isa...

Ex-Pres. Duterte sa mga kriminal sa Davao City: ‘Find another place!’

Matapos niyang ianunsyo na tatakbo siyang muli bilang mayor ng Davao City, binalaan ni dating Pangulong Rodrigo Duterte ang mga kriminal, lalo na raw ang mga sangkot sa ilegal na droga, na umalis na umano sa lungsod kung ayaw nilang humarap sa “consequences.”Sa isang press conference nitong Sabado, Oktubre 5, na inulat ng Manila Bulletin, iginiit ni Duterte na malawak ang Pilipinas na maaaring...