EARLY morning ng Martes, November 3, nang i-hack ang Twitter account ni Maine Mendoza aka Yaya Dub ng isang hacking group (huwag na nating pangalanan dahil iyon ang gusto nila, pag-usapan sila) na kilala sa pag-hack o pagsira ng government websites para iparating sa kanila ang mga issue laban sa government officials, isa na sa na-hack nila ang National Telecommunication Commission.
Nag-sorry naman sila kay Maine dahil napadaan daw sila sa Twitter account nito at ibabalik din daw nila ito sa kabiyak ng AlDub loveteam.
Nakakapagtaka lang na may 2.3 million followers pa lamang si Maine, maraming celebrities na mas maraming followers kaysa sa kanya pero bakit siya pa ang napili?
ALAMIN: Ano nga ba ang EBET Law na pinirmahan ni PBBM
Simple lamang sabi ng experts, dahil alam nilang malaki ang fan base nina Maine at Alden at akala nila ay papatulan sila ng AlDub Nation. But the damage has been done, kahit pa sabihin nilang ibabalik din nila ito, ang nakakainis, muli silang nag-post na minumura naman ang AlDub Nation at ano raw ang napapala nila sa AlDub, bakit ‘di gumising sa masasamang ginagawa ng gobyerno at inuuna pa nila ang AlDub kaysa sa kinabukasan ng Pilipinas.
Kaya sinagot sila ng isang Overseas Filipino Worker (OFW) ng, “Ano ang kinalaman ng AlDub sa gobyerno at sa ipinaglalaban ninyo? Why not make a change and start it within yourselves first? In behalf of all OFWs na AlDub fans, nakakainsulto ang sinasabi ninyong inuuna pa namin ang AlDub kesa gumawa ng mga bagay na ikauunlad ng Pilipinas.
Ano kaya ang ginagawa namin dito na nagpapakahirap sa ibang bansa, nanonood lamang ng AlDub? Alam n’yo bang napapasaya nila kami na kahit malayo parang andiyan lang din kami dahil sa bayanihan ng buong AlDub Nation, nakakatanggal ng homesickness? Hindi ko alam kung saan kayo kumukuha ng ideyang iyan, at hindi ninyo kami kayang intindihin dahil sarado ang mga isipan n’yo pero sana konting respeto naman.”
Ang TAPE, Inc., management company ni Maine, ang nag-ayos ng kanyang Twitter account para maibalik ito. At pinili naman ng AlDub Nation na magpakahinahon at hindi na sinagot ang mga pinagsasabi ng grupo ng hackers laban sa kanila.
Samantala, may bagong bisita na darating sa kalyeserye, na gagampanan pa rin ni Wally Bayola. Ang tanong, mabait ba siya o makakalaban na naman siya ni Alden Richards sa puso ni Yaya Dub?
Bukas ay magsi-celebrate ng kanilang 16th weeksary sina Alden at Yaya Dub, mukhang may pinag-usapan na silang gagawin sa pang-apat na buwan na nila as a love team, pero sisirain ba ito ng darating na bisita? (NORA CALDERON)
