NEW YORK (AP) - Nagdiwang kamakailan ng kaarawan ang singer/actor na si Justin Timberlake, ngunit mayroon pa siyang isang inaabangang kaarawan -- ang kanyang paparating na baby.
Ibinahagi ni Timberlake ang isang litrato ng isang maumbok na tiyan -- na inaasahang ito ay tiyan ng kanyang asawa na si Jessica Bieln-- sa Instagram noong Sabado, ang kanyang ika-34 na kaarawan. Sinabi niyang natanggap na niya ang pinakamahalagang regalo ngayong taon at dinugtungan ng salitang: “CAN’T WAIT.”
Hindi pa nakukumpirma ang kasarian ng baby; nagbiro ang aktor na silang mag-asawa ay nagpupustahan sa kung ano ang magiging kasarian ng kanilang anak.
Matatandaang pinakasalan ng Grammy-winner si Biel noong 2012. Ito ang una nilang anak. Isang linggo nang kumakalat ang usap-usapan na nagdadalantao si Biel, ngunit naging kumpirmado lamang ito nang ibahagi ni Timberlake sa publiko ang nasabing larawan.
National
