Ni REY G. PANALIGAN
May 38 aplikante para sa nabakanteng posisyon bilang Sandiganbayan associate justice matapos mapatalsik sa posisyon si Associate Justice Gregory Ong noong nakaraang taon.
Uumpisahan ng Judicial and Bar Council (JBC) ang public interview ng mga aplikante sa Enero 27.
Ang mga aplikante ay sina Justice Undersecretary Jose Justiniano, Makati City Regional Trial Court (RTC) Judge Benjamin Pozon, RTC Judge Gregorio Valencia Dela Pena III, Assistant Solicitor General Sarah Jane Fernandez, Caloocan RTC Judge Aurelio Rambayon Ralar Jr., Makati RTC Judge Andres Soriano, Mandaluyong RTC Estebean Tacla Jr., Tarlac City RTC Judge Cesar Limbo Aganon, Mandaluyong RTC Judge Ofelia Lineses Calo, Antipolo RTC Judge Kevin Narce Batan Vivero at Manila RTC Armanda Alvarez Yanga.
Romina, patuloy na kumikilos pahilaga; hindi na nakaaapekto sa Kalayaan Islands
Ang iba pang aspirants, karamihan ay mga huwes, ay sina Arthur Abudiente, Jeoffre Acebido, Philip Aguinaldo, Selma Alaras, Rowena Apao-Adlawan, Divinagracia Bustos-Ongkeko, Maryann Corpus-Manalac, Ma. Celestina Cruz-Mangrobang, Henry Damasing, Salic Dumarpa, Geraldine Faith Econg, Berndelito Fernandez, Victoria Fernandez-Bernardo, Maria Amifaith Fider-Reyes, Alice Gutierrez, Globert Justalero, Eleanor Kwong, Gernao Francisco Lagspi, Rosanna Fe Romero-Maglaya, Ruben Reynaldo Roxas, Edgar Santos, Salvador Timbang Jr., at Merianthe Pacita Zuraek.
Tanging si Judge Dela Peña ang haharap sa JBC sa Enero 27. Itinakda sa Enero 28 ang panayam kina Justiniano, Fernandez, Ralar, Soriano at Taclar.
Kakapanayanim naman sa Enero 29 sina Aganon, Calo, Vivero at Yanga.
Ang iba pang kandidato ay hindi na kakapanayamin dahil dati na silang na-interview ng JBC nang maging aplikante sa ibang posisyon.
