Pangungunahan ng Most Valuable Players na sina Kiefer Ravena at Earl Scottie Thompson ang mga manlalarong nahirang para maging miyembro ng Collegiate Mythical Team na nakatakdang igawad sa darating na UAAP-NCAA Press Corps SMART 2014 Collegiate Basketball Awards na gaganapin sa Disyembre 4 sa Saisaki-Kamayan EDSA.
Kapwa hands down choice ang dalawa para sa Mythical Team makaraang tanghaling MVP ng kanilang mga kinaaanibang liga na UAAP at NCAA.
Pinamunuan ni Ravena ang Ateneo de Manila University (ADMU) na makabalik sa Final Four sa nakaraang UAAP Season 77 habang isa naman si Thompson sa naging malaking dahilan sa pagpasok ng University of Perpetual Help sa ikatlong sunod na taon sa Final Four sa nakaraang NCAA Season 90 basketball tournament.
Kasama naman nilang napili para bumuo sa Mythical Team sina Mac Belo ng Far Eastern University (FEU), Ola Adeogun ng San Beda College (SBC), at Jeron Teng ng De La Salle University (DLSU).
50.78% examinees, pasado sa Nov. 2024 Licensure Exam for Agriculturists
Sa nasabi ring okasyon na suportado ng Smart Sports, Accel 3XVI and Kohl Industries (Doctor J Alcohol, Bactigel hand sanitizer, at Mighty Mom dishwashing liquid), nakatakdang parangalan bilang Coach of the Year ang champion coaches na sina Eric Altamirano ng National University (NU) at Boyet Fernandez ng San Beda.
Si Belo ang isa sa mga namuno upang makapasok ang Tamaraws sa Finals kasunod ng huli nilang pagtuntong dito noong 2005 matapos ang kanyang hindi malilimutang buzzer-beating 3- point shot kontra sa La Salle sa Final Four para makatunggali ang nagkampeong NU Bulldogs sa finals.
Isa naman si Adeogun sa mga susi kung bakit nagtagumpay ang Red Lions na makamit ang asam nilang 5-peat sa NCAA habang si Teng naman ay nagtala nang ‘di malilimutang pinakamataas na performance bilang isang collegiate player matapos na pumangalawa kay Ravena sa MVP race nang pamunuan ang Green Archers sa pagpasok sa Final Four round.
Ang taunang event na itinataguyod ng San Miguel Corporation, UAAP Season 77 host University of the East (UE), NCAA Season 90 host Jose Rizal University (JRU), Gatorade at Philippine Sportswriters Association (PSA) ay nagbibigay ng parangal sa mga outstanding performers ng nangungunang dalawang varsity leagues.
