KINUMPIRMA ng ginawaran ng Lifetime Achievement Excellence in Broadcasting na si Mike Enriquez na napag-usapan nila sa isang pagtitipon nilang magkakaiba ang posibilidad na mabigyan ng isang show si Willie Revillame sa GMA-7.
Pero ayon sa batikang newscaster, na isa sa pinakamaagang dumating sa Solaire Hotel para sa 28th PMPC Star Awards for Movies, bahagi lang iyon ng kuwentuhan ng magkakaibigan at hindi raw iyon garantiya na mabibigyan agad-agad ng show si Willie.
Dagdag pa ni Sir Mike, ang naturang topic ay basta na lang naisingit sa usapan nila. Hindi naman daw kasi porke isa sa masasabing pader ng network si Mike Enriquez ay maiimpluwensiyahan niya ang namumuno ng istasyon.
Agusan del Sur, nilindol ng magnitude 5.3
“May program committee na namamahala diyan, andiyan ang masisipag na mga taong may karapatang magdesisyon sa bagay na ‘yan. Hindi naman ako ang nasa posisyon na magdesisyon sa bagay na ‘yan,” sey pa ni Sir Mike.
Sa pag-uusap daw nilang ‘yun ay kasama rin sa nabuksang topic ang pagkaroon ng isang radio show ni Joey de Leon.
Hindi maikakaila na isa sa mga itinuturing na may kapangyarihan sa bakuran ng Kapuso Network si Mike Enriquez pero sabi pa niya sa amin, hindi naman porke may posisyon siya sa istasyon ay kaya na niyang mailakad na magkaroon agad ng show sa kanila si Willie Revillame.
“Ako, anything na worth exploring, lalo na iyong mga out of the box na idea, ‘yung may innovation at kung makatutulong sa GMA, susuportahan ko iyan,” lahad pa ng magaling na newscaster.
