NAG-WORLDWIDE trending agad sa Twitter nitong nakaraang Miyerkules simula umaga hanggang gabi ang komposisyon ni Marion Aunor na awiting You Don't Know Me na ini-record ni Kathryn Bernardo nang patugtugin ni DJ China Paps sa FM radio MOR 101.9. Isa ito sa mga magiging laman ng recording album ni Kathryn na malapit nang i-release ng Star Records.
Nagsunud-sunod ang requests kay DJ China Paps ng mga nakarinig na KathNiel at Solid Kathryn Fans Club.
Labis-labis ang pasasalamat ng fans ni Kathryn kay Marion na kahit baguhan pa lamang sa larangan ng pag-compose ay napili ng Star Records to write songs for their idol.
50.78% examinees, pasado sa Nov. 2024 Licensure Exam for Agriculturists
Natural lamang na marami ang gumising kay Marion nang umagang iyon, para magcongratulate at iparating ang kanilang paghanga.
Ipinagtapat ni Marion na hindi niya inaasahan ang napakainit na reception ng fans sa awitin na bumagay sa boses ng Teen Queen.
"I was asked by Sir Roxy Liquigan to write songs na babagay para sa ilang sikat na artista ng ABS. Actually, tatlong composition ko ang nap iIi ni Sir Roxy, pero sinabi niyang bagay na bagay kay Kathryn ang You Don't Know Me. He was right. Hindi ako makapaniwala na nag-worldwide trending ito agad."
Na-impress kasi ang Star Records sa unang composition ni Marion, ang If You Ever Change Your Mind, na isinali ni ya sa Himig Handog noong nakaraang taon.
"I must confess na na-inspire ako ng first break-up ko. It was my first love at mag-i-end pala sa heartbreak," kuwento niya. "I also didn't know that winning songs are made of such stuff. I won third place sa Himig Handog. People has been asking me kung ano ang ending ng If You Ever Change Your Mind. I told them that my message to my ex was a warning never to ever think that I'll take him back pa, if he ever change his mind. Kasi, I won't take him back anymore. Ayokong umasa at ayoko rin siyang paasahin. I was so young then when it happened and I was really hurt."
"After winning third place sa Himig Handog, tumawag uli sa akin ng Star Records. Sabi ni Sir Jason Sarmiento, na-nominate raw po ako sa 27th Awit Awards for Best Performance by a New Female Recording Artist for If you Ever Change Your Mind, Best Jazz Recording for another song I composed entitled Sex On Legs; Best Musical Arrangement also, for Do Do Do.
"But as far as You Don't Know Me ni Kathryn is concerned, ayokong ma-misinterpret ng mga tao na iyon ang damdamin ni Kathryn ngayon. I also want to write a song for Daniel (Padilla), dahil gusto ko silang maging okey uli ni Kathryn. Gusto kong mabuo uli ang kanilang relationship. They are so bagay.
''I'll get inspiration from Daniel's mom (Karla Estrada) reaction. She loves Kathryn. She really went out of her way to talk to Kathryn. Napaka-important noon sa isang relationship like them. Napaka-important that they should know each other well.
"I was their age too when somebody broke my heart. Kung ano ang nasa isip namin, we were just the ones deciding for ourselves. Si Kathryn, may mommy ni Daniel ng nakikipagusap sa kanya. At may parents pa na nagga-guide. Ako kasi nahiya na humingi ng advice sa parents. That was my big mistake, ha-haha."
