SINULAT namin na aabot pa hanggang Disyembre ang kuwento ng Ikaw Lamang nina Christopher de Leon, Coco Martin, KC Concepcion, Joel Torre, Amy Austria, Mylene Dizon, Joel Torre, Smokey Manaloto, Arlene Muchlach at Kim Chiu, pero may pagbabago pala.
“Supposedly, December, kung extended, kaso may mga bagong shows na kailangang umere na kaya kailangan nang tapusin,” paliwanag sa amin ng taga-production na nakausap namin.
“As per story track, first week of November po ang target finish kayang kinompress ng October finish kasi walang manonood ng ending kasi Araw ng mga Patay na,” sabi naman ng staff ng Ikaw Lamang na inurirat namin.
50.78% examinees, pasado sa Nov. 2024 Licensure Exam for Agriculturists
Oo nga naman, dahil kung aabutin pa ito ng Nobyembre 3-7, tiyak na nasa bakasyon pa ang karamihan sa mga tao.
Hmmm, hindi kaya ang Forevermore nina Enrique Gil at Liza Soberano ang ipapalit sa Ikaw Lamang, Bossing DMB? Kasi balita ko, ang Hawak Kamay ay hanggang 2015 pa.
Sabagay, nu’ng makatsikahan namin ang ilan sa staff ng Dreamscape Entertainment ay gusto nilang magpahinga sa December, magre-recharge, para ratsada na naman sila sa Enero 2015.
Pero ano naman itong nakuha naming tsika na may special project ang Dreamscape sa Pasko?
Ha-ha-ha, hindi rin pala tuloy ang pahingang inaasam-asam ng mga staff.
