Police commanders sa MM, nabulabog sa revamp-Balita

Police commanders sa MM, nabulabog sa revamp

Nabulabog ang mga station at precinct commander sa Metro Manila bunsod ng biglaang pagsibak sa apat sa limang district director na nakabase sa National Capital Region.

Binigyang diin ni Senior Supt. Wilben Mayor, hepe ng Philippine National Police (PNP) public information office, na ang pinakahuling balasahan sa pulisya ay nagpapatunay na ang PNP ay determinadong pagbutihin ang performance ng mga station at precinct commander.

“This now serves as a challenge to every commander that they have to do their best in fighting crime in their areas of responsibility,” giit ni Mayor.

Noong Miyerkules, biglaang inanunsiyo ni Department of Interior and Local Government (DILG) Secretary Mar Roxas ang pagsibak kina Chief Supt. Richard Albano bilang director ng Quezon City Police District (QCPD); Chief Supt. Jet Erwin Villacorte ng Southern Police District (SPD); Chief Supt. Rolando Asuncion ng Manila Police District (MPD); at Chief Supt. Edgardo Layon ng Northern Police District (NPD).

Tanging si Chief Supt. Abelardo Villacorta ng Eastern Police District (EPD) ang nanatili sa kanyang puwesto mula sa hanay ng mga district director sa Metro Manila.

“This is part of the intensified campaign for anti-criminality in the National Capital Region,” paliwanag ni Roxas sa nangyaring balasahan.

Samantala, itinalaga ni PNP Chief Director General Alan LM Purisima ang walong police official sa bagong puwesto sa Pambansang Pulisya, kabilang ang apat na nabakanteng puwesto sa NCR.

Kabilang sa mga itinalaga ay sina Chief Supt. Jonathan Ferdinand G. Miano, officer-in-charge ng NPD; Chief Supt. Henry S. Ranola, OIC ng SPD; Senior Supt. Rolando Z. Nana, OIC ng MPD; Senior Supt. Joel D. Pagdilao, OIC ng QCPD; Senior Supt. Rudy Lacadin, OIC deputy director for administration-Criminal Investigation and Detection Group; Senior Supt. Elmo Francis O. Sarona, OIC, National Operations Center; at Chief Supt. Federico P. Castro Jr. , OIC executive officer, Director for Integrated Police Operations-Visayas. - Aaron Recuenco

SP Chiz, may paalala sa mga senador tungkol sa isyu ng impeachment

May panawagan si Senate President Chiz Escudero sa kaniyang kapuwa mga senador hinggil umano sa isyu at estado ng impeachment cases laban kay Vice President Sara Duterte. Sa pamamagitan ng Facebook post noong Martes, Disyembre 3, 2024 inihayag ni Escudero ang kaniyang mensahe kaugnay ng naturang impeachment complaints sa Pangalawang Pangulo. “The filing and endorsement of an impeachment...

'Kokoy Villamin' na pirmado rin sa mga transaksyon ng OVP, walang records sa PSA?

Na-“Mary Grace Piattos” din kaya?Kinumpirma ng Philippine Statistics Authority (PSA) na wala raw sa kanilang record ang isang taong nagngangalang “Kokoy Villamin,” taliwas sa iginigiit umano ng ilang tauhan ng Office of the Vice President (OVP).Sa panayam ng Teleradyo Serbisyo kay PSA Assistant National Statistician Marizza Grande nitong Miyerkules ng umaga, Disyembre 4, 2024, wala raw...

Pinili ng Santo Papa: Rector ng Quiapo Church, bagong obispo ng Diocese of Balanga

Si Fr. Rufino “Jun” Sescon Jr., rector at kura paroko ng Minor Basilica and National Shrine of Jesus Nazareno o Simbahan ng Quiapo sa Quiapo, Maynila ang bagong obispo ng Diocese of Balanga sa Bataan.Ang pagtatalaga ay mula mismo sa Santo Papa ng Simbahang Katoliko na si Pope Francis, matapos mabakante ang posisyon noong 2023, matapos namang gawing obispo ng Diocese of Antipolo ang dating...