MAPAPANOOD na ang pagsabog ng galit sa puso ni Natalia (KC Concepcion) sa Ikaw Lamang ng ABS-CBN ngayong natuklasan na niya na ang itinuturing na karibal sa puso ni Gabriel (Coco Martin) na si Jacq (Kim Chiu) ay ang kanyang nawawalang kapatid na si Andrea.
Gagawin ni Natalia ang lahat para sirain ang buhay ni Andrea na sumira sa relasyon nila ni Gabriel.
Inaabangan ng avid viewers ng Ikaw Lamang kung paano isasagawa ni Natalia ang kanyang masasamang plano laban kay Andrea ngayong pinoprotektahan na ito ng kanilang ama na si Franco (Christopher de Leon). Kaabang-abang din ang mga mangyayari ngayong alam na ni Gabriel na ang iniibig niyang si Andrea ay anak din ng lalaking kinasusuklaman niya. Magagawa ba niyang ituloy ang kanyang paghihiganti, o mananaig pa rin ba ang isinisigaw ng kanyang damdamin?
57 kilos ng shabu na isinilid sa Chinese tea bag, nakumpiska sa pantalan sa Southern Leyte
Sa direksyon nina Direk Malu Sevilla, Manny Palo, at Avel Sunpongco, ang Ikaw Lamang ay isa sa mga obra ng Dreamscape Entertainment Television, ang grupong lumikha ng mga de-kalibre at top-rating TV masterpiece gaya ng Walang Hanggan, Ina Kapatid Anak, at Juan dela Cruz.
